✍ព័ត៌មានផ្សព្វផ្សាយ សន្តិភាពប៉ុស្តិ៍
ប្រទេសមានច្បាប់ និងសេរីភាព តែសេរីភាពត្រូវស្ថិតក្នុងរង្វង់ច្បាប់។✍ប្រទេសដែលមានច្បាប់ គឺប្រទេសដែលគ្រប់ប្រជាពលរដ្ឋទាំងអស់ត្រូវគោរពតាមច្បាប់ ដើម្បីធានាឲ្យមានសណ្តាប់ធ្នាប់ និងសន្តិសុខសង្គម។ សេរីភាពមិនមែនជាអាណាធិបតេយ្យភាពទេ ប៉ុន្តែជាសិទ្ធិដែលត្រូវប្រើប្រាស់ក្នុងក្របខណ្ឌច្បាប់។
តាមគោលការណ៍ប្រជាធិបតេយ្យ ពលរដ្ឋមានសិទ្ធិបញ្ចេញមតិ និងរិះគន់យោបល់យ៉ាងសុចរិត ប៉ុន្តែត្រូវមិនឆ្លងកាត់ព្រំដែននៃការជេរប្រមាថ បរិហាកេរ្តិ៍ ឬបង្កអាសន្នដល់កេរ្តិ៍ឈ្មោះរបស់អ្នកដទៃ។
ច្បាប់មិនអនុញ្ញាតឲ្យអ្នកណាម្នាក់ប្រើសេរីភាពឲ្យហួសកម្រិត ដើម្បីបំពានលើសិទ្ធិ និងសេចក្ដីថ្លៃថ្នូររបស់អ្នកដទៃឡើយ។ ការប្រើសេរីភាពដោយចេតនាបំពានច្បាប់ ឬយកជាឧបករណ៍នយោបាយ ដើម្បីបង្កការភាន់ច្រលំ ឬចោទប្រកាន់បំភាន់សាធារណជន គឺជាអំពើថោកទាប និងគួរឱ្យស្អប់ខ្ពើមបំផុត។
(ទស្សនៈពលរដ្ឋ)
រៀបរៀងដោយ បណ្ឌិត មាស ច័ន្ទរិទ្ធ
