✍សេចក្ដីអំពាវនាវ ជូនសាធារណៈ
រដ្ឋបាលស្រុកវាលវែង ខេត្តពោធិ៍សាត់ ។✍សូមថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម លោកជំទាវ និងបងប្អូនសប្បុរសជនទាំងក្នុងនិងក្រៅប្រទេស ដែលបានផ្តល់ការឧបត្ថម្ភថវិកា និងគ្រឿងឧបភោគបរិភោគ តាមរយៈរដ្ឋបាលស្រុកវាលវែង ខេត្តពោធិ៍សាត់ ដើម្បីគាំទ្រ និងលើកទឹកចិត្តដល់វីរកងទ័ពជួរមុខ ដែលកំពុងឈរជើងយ៉ាងរឹងមាំក្នុងការការពារបូរណភាពទឹកដីជាតិ ព្រមទាំងចែកជូនដល់បងប្អូនប្រជាពលរដ្ឋភៀសសឹក ដែលកំពុងស្នាក់នៅបណ្តោះអាសន្នតាម
កន្លែងសុវត្ថិភាពនានា។ ក្នុងឱកាសនេះផងដែរ
✍រដ្ឋបាលស្រុកវាលវែង ខេត្តពោធិ៍សាត់ សូមអំពាវនាវដល់ ឯកឧត្តម លោកជំទាវ និងបងប្អូនសប្បុរសជនទាំងអស់ បន្តចូលរួមឧបត្ថម្ភជាថវិកា ស្បៀងអាហារ និងសម្ភារៈចាំបាច់ផ្សេងៗទៀត ដើម្បីរួមសហការជាមួយរដ្ឋបាលខេត្ត ក្នុងការឆ្លើយតបតាមតម្រូវការជាក់ស្តែងរបស់វីរកងទ័ពជួរមុខ និងបងប្អូនជនភៀសសឹកឱ្យបានទាន់ពេលវេលា និងមានប្រសិទ្ធភាព។
✍ការចូលរួមឧបត្ថម្ភដ៏មានតម្លៃនេះ គឺជាការបង្ហាញពីស្មារតីសាមគ្គីភាព ក្តីស្រឡាញ់ជាតិ និងការចូលរួមទទួលខុសត្រូវរួមរបស់ជនជាតិខ្មែរ ក្នុងការគាំទ្រកងកម្លាំងការពារជាតិ និងការជួយសង្គ្រោះបងប្អូនប្រជាពលរដ្ឋដែលកំពុងជួបការលំបាក។
រដ្ឋបាលស្រុកវាលវែង ខេត្តពោធិ៍សាត់ សូមជូនពរ ឯកឧត្តម លោកជំទាវ និងបងប្អូនសប្បុរសជនទាំងអស់ ជួបប្រទះតែសេចក្តីសុខ សុវត្ថិភាព និងជោគជ័យគ្រប់ភារកិច្ច។
✍រៀបរៀងដោយ បណ្ឌិត មាស ច័ន្ទរិទ្ធ
នាយកប្រតិបត្តិ សន្តិភាព ប៉ុស្តិ៍
