✍សង្ខេបព័ត៌មាន (សន្តិភាព ប៉ុស្តិ៍)
រដ្ឋមន្ត្រីការបរទេសថៃ លោក ភួងគិត កែវ បានអះអាងថា ថៃមិនធ្លាប់ទទួលសំណើឈប់បាញ់ដោយគ្មានលក្ខខណ្ឌពីកម្ពុជាតាមរយៈការទំនាក់ទំនងផ្ទាល់ឡើយ ទោះបីកម្ពុជាបានលើកឡើងពីសំណើនេះជាមួយប្រទេសធំៗ និងអង្គការអន្តរជាតិជាច្រើនក្តី។✍ជាការឆ្លើយតប មតិជាច្រើនពីភាគីកម្ពុជា
បានបញ្ជាក់ថា ការដែលកម្ពុជាមិនចូលចរចារផ្ទាល់
ជាមួយថៃ គឺដោយសារតែស្ថានការណ៍ជាក់ស្តែងនៃជម្លោះ ដែលកម្ពុជាមើលឃើញខ្លួនជាជនរងគ្រោះ។ មតិទាំងនេះលើកឡើងពីការបាត់បង់ជីវិតជនស៊ីវិល ការខូចខាតបេតិកភណ្ឌវប្បធម៌ ការវាយប្រហារតាមអាកាស ការប៉ះពាល់ដល់ជនភៀសសឹក ការឃុំខ្លួនទាហានកម្ពុជា និងការប្រើប្រាស់វិធានការយោធាដែលត្រូវបានចោទថា ផ្ទុយនឹងច្បាប់អន្តរជាតិ។
✍ភាគីកម្ពុជា បន្តអំពាវនាវឲ្យសហគមន៍អន្តរជាតិពិនិត្យស្ថានការណ៍ដោយយុត្តិធម៌ គាំទ្រដំណោះស្រាយសន្តិភាព និងការទទួលខុសត្រូវតាមច្បាប់អន្តរជាតិ ដើម្បីបញ្ចប់ជម្លោះ និងការរងទុក្ខវេទនារបស់ប្រជាពលរដ្ឋស៊ីវិល។
✍រៀបរៀងដោយ បណ្ឌិត មាស ច័ន្ទរិទ្ធ
