ព្រឹកថ្ងៃទី០១ ខែកុម្ភៈ ឆ្នាំ២០២៦ ឧត្តមបណ្ឌិត ស្បោង សារ៉ាត់ ប្រធានគណៈកម្មាធិការគណបក្សប្រជាជនកម្ពុជាខេត្តព្រៃវែង និងឯកឧត្ដម យូ សេរីវុឌ្ឍ ប្រធានក្រុមការងារចលនាកសាងសមាជិកគណបក្សនៅមូលដ្ឋាន រាជធានី ខេត្ត។
បានអញ្ជើញចូលរួមជាអធិបតីក្នុងពិធីប្រកាសទទួលស្គាល់សមាជិកថ្មី។
ពិធីដ៏មានសារៈសំខាន់នេះ បានប្រព្រឹត្តទៅនៅទីស្នាក់ការគណបក្សស្រុកពោធិ៍រៀង ខេត្តព្រៃវែង ដោយមានសមាជិកថ្មីដែលបានសម្រេចចិត្តចូលរួមជាមួយគណបក្សប្រជាជនកម្ពុជា មកពីគណបក្សនយោបាយនានា ចំនួនសរុប ៣៤៥ នាក់។
ក្នុងឱកាសនោះ ឧត្តមបណ្ឌិត និងឯកឧត្ដមអធិបតី បានថ្លែងអំណរគុណ និងស្វាគមន៍យ៉ាងកក់ក្តៅចំពោះសមាជិកថ្មីទាំងអស់ ដែលបានបង្ហាញនូវជំនឿទុកចិត្តលើគោលនយោបាយ និងការដឹកនាំរបស់គណបក្សប្រជាជនកម្ពុជា ព្រមទាំងលើកទឹកចិត្តឱ្យសមាជិកទាំងអស់រួមសាមគ្គីគ្នា ចូលរួមចំណែកក្នុងការអភិវឌ្ឍមូលដ្ឋាន និងសង្គមជាតិឱ្យកាន់តែរីកចម្រើន។
ពិធីនេះបានប្រព្រឹត្តទៅក្នុងបរិយាកាសសាមគ្គីភាព ក្តីសង្ឃឹម និងការប្តេជ្ញាចិត្តខ្ពស់របស់សមាជិកគណបក្សទាំងអស់ ក្នុងការបន្តគាំទ្រនិងរួមចំណែកថែរក្សាសន្តិភាព ស្ថិរភាព និងការអភិវឌ្ឍប្រទេសជាតិជាបន្តទៀត។
