នៅថ្ងៃទី១២ ខែកុម្ភៈ ឆ្នាំ២០២៦ ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ។
បានដឹកនាំកិច្ចប្រជុំប្រចាំខែរបស់គណៈបញ្ជាការឯកភាពរដ្ឋបាលខេត្តកំពង់ធំ ដោយផ្តោតសំខាន់លើការងាររក្សាសន្តិសុខ សណ្តាប់ធ្នាប់ និងសុវត្ថិភាពនៅក្នុងមូលដ្ឋាន។
ក្នុងកិច្ចប្រជុំនេះ ឯកឧត្តមអភិបាលខេត្ត បានណែនាំឱ្យអាជ្ញាធរគ្រប់លំដាប់ថ្នាក់ និងកងកម្លាំងមានសមត្ថកិច្ច បន្តពង្រឹងការអនុវត្តភារកិច្ចឱ្យមានប្រសិទ្ធភាពខ្ពស់ ដើម្បីធានាសុវត្ថិភាពជូនប្រជាពលរដ្ឋ និងរក្សាបាននូវស្ថិរភាពសង្គម។
ជាពិសេស ឯកឧត្តមបានជំរុញឱ្យមានការចូលរួមយ៉ាងសកម្ម ក្នុងការអនុវត្តគោលនយោបាយរបស់រាជរដ្ឋាភិបាល ក្រោមការដឹកនាំដ៏ខ្ពង់ខ្ពស់របស់សម្ដេចប្រមុខរាជរដ្ឋាភិបាល ក្នុងការបង្ក្រាប និងបោសសម្អាតសកម្មភាពឆបោកតាមប្រព័ន្ធបច្ចេកវិទ្យា (Online Scams) ដែលកំពុងបង្កគ្រោះថ្នាក់ដល់សង្គម និងសេដ្ឋកិច្ច។
ឯកឧត្តមក៏បានអំពាវនាវឱ្យប្រជាពលរដ្ឋ ប្រុងប្រយ័ត្នចំពោះល្បិចឆបោកតាមប្រព័ន្ធអនឡាញ និងចូលរួមសហការជាមួយអាជ្ញាធរមានសមត្ថកិច្ច ដើម្បីរួមគ្នាបង្ការ និងទប់ស្កាត់បទល្មើសឆបោកឱ្យមានប្រសិទ្ធភាព។
បណ្ឌិត មាស ច័ន្ទរិទ្ធ ក្រុមការងារគណបក្ស ចុះមូលដ្ឋានខេត្តកំពង់ធំ។
