✍សកម្មភាពក្រុមការងារសមាគមសប្បុរសធម៌ បណ្ឌិត មាស ច័ន្ទរិទ្ធ នាំយកអំណោយជូនកងទ័ពជួរមុខក្នុងខេត្តឧត្តរមានជ័យ។
✍ខេត្តឧត្តរមានជ័យ៖ កាលពីថ្ងៃទី ១៥ ខែមីនា ឆ្នាំ២០២៦ ក្រុមការងារសមាគមសប្បុរសធម៌ បណ្ឌិត មាស ច័ន្ទរិទ្ធ បានចុះបេសកកម្មមនុស្សធម៌ ដើម្បីសួរសុខទុក្ខ និងនាំយកអំណោយឧបត្ថម្ភជូនដល់វីរកងទ័ពដែលកំពុងឈរជើងបំពេញភារកិច្ចនៅសមរភូមិជួរមុខ ក្នុងភូមិសាស្ត្រខេត្តឧត្តរមានជ័យ។
ដឹកនាំក្នុងសកម្មភាពនេះ រួមមាន៖
១.លោក ចៅ ប៊ុនឡេង អគ្គលេខាធិការរង សមាគមសប្បុរសធម៌
២.លោក សួន វណ្ណា ជំនួយការសមាគម សប្បុរសធម៌
៣.លោកស្រី ប៊ុត សុខា ជំនួយការសមាគមសប្បុរសធម៌
សកម្មភាពនេះត្រូវបានរៀបចំឡើងដោយមានការសហការយ៉ាងជិតស្និទ្ធជាមួយ។
✍លោកជំទាវ ឡេង ដាលី និងឯកឧត្តម ឧត្តមសេនីយ៍ឯក ហែម សាវ៉ាត ។
ក្នុងឱកាសដ៏ថ្លៃថ្លានេះ ក្រុមការងារបាននាំយកនូវគ្រឿងឧបភោគបរិភោគចាំបាច់មួយចំនួន រួមជាមួយថវិកាមួយចំនួន ដើម្បីជួយសម្រួលដល់ការស្នាក់នៅ និងលើកទឹកចិត្តដល់ស្មារតីលះបង់ខ្ពស់របស់កងទ័ពជួរមុខ ក្នុងការការពារបូរណភាពទឹកដី និងសេចក្តីសុខសាន្តរបស់ប្រជាជន។
សកម្មភាពមនុស្សធម៌នេះ បានស្តែងឱ្យឃើញពីមនោសញ្ចេតនាជិតស្និទ្ធរវាងសមរភូមិក្រោយ និងសមរភូមិមុខ តាមរយៈការចូលរួមចំណែកជាមួយរាជរដ្ឋាភិបាល ក្នុងការគិតគូរពីសុខទុក្ខរបស់កងកម្លាំងប្រដាប់អាវុធគ្រប់ប្រភេទ។
✍របាយការណ៍ពី
បណ្ឌិត មាស ច័ន្ទរិទ្ធ ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានសមាគមសប្បុរសធម៌។
