✍សេចក្តីសង្ខេបព្រឹត្តិការណ៍៖
វគ្គអប់រំនយោបាយរបស់គណបក្សកម្ពុជា ជំនាន់ទី៨៩។នៅថ្ងៃទី២៣ ខែមីនា ឆ្នាំ២០២៦ ក្នុងឱកាសបើកវគ្គអប់រំនយោបាយរបស់គណបក្ស ជំនាន់ទី៨៩
ឯកឧត្តម តាក ស៊ុនអុី បានអញ្ជើញជាឧទ្ទេសនាម អំពីបុព្វហេតុ សមិទ្ធផល និងមេរៀនប្រវត្តិសាស្ត្រសំខាន់ៗរបស់គណបក្សប្រជាជនកម្ពុជា។ ខ្លឹមសារសំខាន់នៃបទឧទ្ទេសនាម រួមមាន។
✍I.ដើមកំណើត និងបុព្វហេតុនៃការតស៊ូ
គណបក្សប្រជាជនកម្ពុជា បានប្រសូតចេញពីចលនាតស៊ូដ៏ស្វិតស្វាញរបស់ប្រជាជនកម្ពុជា ដើម្បីដណ្តើមយកឯករាជ្យជាតិ។ ប្រវត្តិសាស្ត្របានបង្ហាញថា កម្ពុជាដែលធ្លាប់ជាអាណាចក្រដ៏ខ្លាំងក្លា បានធ្លាក់ខ្លួនចុះខ្សោយនៅសតវត្សទី១៩ ដោយសារកង្វះឯកភាពជាតិ ដែលជាឱកាសឱ្យបរទេសចូលមកត្រួតត្រា។
✍១.ដំណាក់កាលក្រោមនឹមអាណានិគម
ឆ្នាំ១៨៦៣ - ១៨៨៤៖ បារាំងបានប្រែក្លាយកម្ពុជាពីប្រទេសក្រោមអាណាព្យាបាល ទៅជាប្រទេសអាណានិគមពេញលេញ។
ឆ្នាំ១៨៨៧៖ ការបង្កើតសហព័ន្ធឥណ្ឌូចិន (កម្ពុជា វៀតណាម ឡាវ) បានធ្វើឱ្យប្រទេសទាំងបីមានសត្រូវរួមតែមួយ គឺអាណានិគមនិយមបារាំង។
✍២.ស្មារតីតស៊ូរបស់ប្រជាជាតិ
ទោះបីស្ថិតក្រោមការជិះជាន់ ក៏ប្រជាជនកម្ពុជានៅតែបន្តក្រោកឈរតស៊ូយ៉ាងអង់អាចក្លាហាន ចាប់ពីចុងសតវត្សទី១៩ រហូតដល់ដើមសតវត្សទី២០។ ទោះបីចលនាតស៊ូដំបូងៗមួយចំនួនត្រូវបានបង្ក្រាប ប៉ុន្តែវាគឺជាគ្រឹះ និងជាមេរៀនប្រវត្តិសាស្ត្រដ៏សំខាន់ សម្រាប់ការបង្រួបបង្រួមជាតិ និងការតស៊ូដើម្បីឯករាជ្យបរិបូរណ៍នៅពេលបន្តបន្ទាប់។
✍ឯកឧត្តមបណ្ឌិត មាស ច័ន្ទរិទ្ធ
ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងជាប្រធានសមាគមសប្បុរសធម៌។
