សន្តិភាពប៉ុស្តិ៍ព័ត៌មានជាតិ
ខួបលើកទី៥៧ នៃទិវាបុណ្យឆ្លងការបកប្រែព្រះត្រៃបិដកជាភាសាខ្មែរ។រាជធានីភ្នំពេញ
ថ្ងៃទី១ ខែមេសា ឆ្នាំ២០២៦
ថ្ងៃនេះគឺជាទិវាប្រវត្តិសាស្ត្រដ៏ថ្លៃថ្លា ដែលប្រជាពុទ្ធបរិស័ទខ្មែរទូទាំងប្រទេស រួមគ្នាប្រារព្ធ ខួបលើកទី៥៧ នៃទិវាបុណ្យឆ្លងការបកប្រែព្រះត្រៃបិដកពីភាសាបាលីមកជាភាសាខ្មែរបានចប់សព្វគ្រប់
(១ មេសា ១៩៦៩ - ១ មេសា ២០២៦)។
ព្រឹត្តិការណ៍នេះ មិនត្រឹមតែជាការរំលឹកនូវសមិទ្ធផលដ៏អស្ចារ្យនៃមរតកអក្សរសាស្ត្រ និងជំនឿសាសនាប៉ុណ្ណោះទេ ប៉ុន្តែគឺជាការ សម្តែងនូវកតញ្ញូតាធម៌យ៉ាងជ្រាលជ្រៅបំផុត ចំពោះក្រុមជំនុំព្រះត្រៃបិដក ដែលមានសម្ដេចព្រះសង្ឃរាជ ជួន ណាត ជាព្រះប្រធាន រួមនឹងព្រះថេរានុត្ថេរៈ និងអ្នកប្រាជ្ញអក្សរសាស្ត្រខ្មែរជាច្រើនរូបទៀត ដែលបានខិតខំប្រឹងប្រែងអស់ពីកម្លាំងកាយចិត្ត ប្រើប្រាស់ពេលវេលាអស់ជិត ៤០ឆ្នាំ ដើម្បីបកប្រែ និងចងក្រងនូវរតនសម្បត្តិដ៏មានតម្លៃបំផុតសម្រាប់ជាតិមាតុភូមិ។
ការសម្រេចបាននូវព្រះត្រៃបិដកភាគខ្មែរទាំង ១១០ភាគ គឺជាគ្រឹះដ៏រឹងមាំក្នុងការថែរក្សាការពារសាសនា និងវប្បធម៌ខ្មែរឱ្យនៅគង់វង្សស្ថិតស្ថេរចីរកាល។ យើងខ្ញុំទាំងអស់គ្នា សូមនមស្ការ និងឧទ្ទិសមហាឧត្តមកុសលជូនដល់បុព្វបុរស និងអ្នកប្រាជ្ញខ្មែរគ្រប់ព្រះអង្គ/រូប ដែលបានបន្សល់ទុកនូវពន្លឺធម៌សម្រាប់ជាផ្លូវដើរនៃសន្តិភាព និងបញ្ញាដល់កូនខ្មែរគ្រប់ជំនាន់។
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
