សង្ខេបព័ត៌មានសន្តិភាពប៉ុស្តិ៍៖
គុណតម្លៃនៃទស្សនវិជ្ជាអប់រំកូនៗរបស់បណ្តាប្រទេសមហាអំណាច។
នៅក្នុងបរិបទនៃការពង្រឹងធនធានមនុស្សសកល លក្ខណៈពិសេសនៃមូលដ្ឋានគ្រឹះអប់រំក្នុងគ្រួសាររបស់ប្រទេសមហាអំណាចនីមួយៗ ត្រូវបានគេមើលឃើញថាមានលក្ខណៈដាច់ដោយឡែកពីគ្នា ក្នុងគោលដៅបង្កើតបុគ្គលិកលក្ខណៈរឹងមាំសម្រាប់សង្គម៖
១.សហរដ្ឋអាមេរិក៖ ផ្តោតសំខាន់លើ (ស្មារតីតស៊ូ និងការទទួលស្គាល់ការពិត)។ ឪពុកម្តាយតែងបណ្តុះស្មារតីកូនៗថា រាល់សមិទ្ធផលដែលមានតម្លៃបំផុត គឺតម្រូវឱ្យមានការជម្នះនូវឧបសគ្គដែលពិបាកបំផុត។ នេះគឺជាការបង្រៀនឱ្យកូនៗមានភាពម្ចាស់ការលើខ្លួនឯង និងមិនសង្ឃឹមលើលទ្ធផលដែលទទួលបានមកដោយងាយស្រួលឡើយ។
២.ប្រទេសជប៉ុន៖ ផ្តល់តម្លៃខ្ពស់បំផុតលើ (ក្រមសីលធម៌ការងារ)។ ក្នុងសង្គមជប៉ុន តម្លៃរបស់មនុស្សត្រូវបានកំណត់តាមរយៈការបំពេញការងារ និងការចូលរួមចំណែកក្នុងសង្គម។ ការអប់រំនេះបណ្តុះនូវវិន័យ និងការទទួលខុសត្រូវខ្ពស់ ដោយចាត់ទុកមនុស្សដែលមិនធ្វើការងារថាជាមនុស្សដែលគ្មានតម្លៃ។
៣.ប្រទេសចិនន៖ រក្សានូវទស្សនវិជ្ជា
(ការព្យាយាមដោយមិនខ្លាចនឿយហត់)។ យោងតាមទ្រឹស្តី (ញើសមិនស្រក់ដល់ដី កុំសង្ឃឹមថាមាន) បានបង្ហាញថា ភាពជោគជ័យ និងទ្រព្យសម្បត្តិ គឺបានមកពីការខិតខំប្រឹងប្រែងធ្វើការងារធ្ងន់ និងភាពអត់ធ្មត់ជាចម្បង។
ជារួម៖ ទស្សនៈទាំងបីនេះ គឺជាមាគ៌ាដ៏សំខាន់ក្នុងការកសាងធនធានមនុស្សឱ្យមានគុណភាព មានសេចក្តីថ្លៃថ្នូរ និងមានភាពជឿជាក់លើសមត្ថភាពខ្លួនឯង ដើម្បីក្លាយជាសសរស្តម្ភដ៏រឹងមាំសម្រាប់អភិវឌ្ឍជាតិ និងសហគមន៍ឱ្យកាន់តែរីកចម្រើន។
រៀបរៀងដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
