ព័ត៌មានសង្ខេបសន្តិភាពប៉ុស្តិ៍
អភិបាលស្រុកប្រាសាទសំបូរ សម្ពោធដាក់ឱ្យប្រើប្រាស់ស្ពានបេតុងអាមេ តម្លៃជាង ៤០០ លានរៀល។
ខេត្តកំពង់ធំ៖ នាព្រឹកថ្ងៃទី ០៨ ខែមេសា ឆ្នាំ២០២៦
លោកបណ្ឌិត ឃីម សុខឃាង អភិបាលស្រុកប្រាសាទសំបូរ បានអញ្ជើញជាអធិបតីក្នុងពិធីកាត់ខ្សែបូសម្ពោធដាក់ឱ្យប្រើប្រាស់ជាផ្លូវការនូវស្ពានបេតុងអាមេមួយកន្លែង ស្ថិតក្នុងភូមិព្រែក ឃុំសំបូរ ដើម្បីសម្រួលដល់ការធ្វើដំណើរ និងដឹកជញ្ជូនកសិផលរបស់ប្រជាពលរដ្ឋ។
ព័ត៌មានសំខាន់ៗនៃសមិទ្ធផល៖
លក្ខណៈបច្ចេកទេស៖ ស្ពានមានប្រវែង ១៥ ម៉ែត្រ ទទឹង ៥ ម៉ែត្រ និងកម្ពស់ ៣ ម៉ែត្រ។
ថវិកាសាងសង់៖ ចំណាយអស់ចំនួន ៤២០,០០០,០០០ រៀល
(ថវិកាមូលនិធិឃុំ)។
អត្ថប្រយោជន៍៖ បម្រើដល់ការប្រើប្រាស់របស់ប្រជាពលរដ្ឋចំនួន ០៨ ភូមិ (ស្មើនឹង ១,៣២៨ គ្រួសារ)។
ក្នុងឱកាសនោះ លោកអភិបាលស្រុកបានគូសបញ្ជាក់ថា សមិទ្ធផលនេះគឺជាផ្លែផ្កានៃ (សន្តិភាព) និងការយកចិត្តទុកដាក់ខ្ពស់ពីសំណាក់រាជរដ្ឋាភិបាលកម្ពុជា ក្រោមការដឹកនាំរបស់
សម្តេចមហាបវរធិបតី ហ៊ុន ម៉ាណែត ជាមួយគ្នានេះ លោកបានដាស់តឿនដល់បងប្អូនប្រជាពលរដ្ឋឱ្យយកចិត្តទុកដាក់លើការថែរក្សាអនាម័យ បរិស្ថាន ការអប់រំកូនចៅ និងការរក្សាសាមគ្គីភាពក្នុងសហគមន៍ ជាពិសេសត្រូវរួមគ្នាប្រយុទ្ធប្រឆាំងនឹងអវិជ្ជា និងភាពខ្ជិលច្រអូស ដើម្បីកសាងអនាគតដ៏រុងរឿង៕
✍រៀបរៀងដោយ
ឯកឧត្តម បណ្ឌិត មាស ច័ន្ទរិទ្ធ
ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាក្រុមការងារគណបក្ស ចុះមូលដ្ឋានស្រុក ប្រាសាទសំបូរ និងខេត្តកំពង់ធំ។
