✍ព័ត៌មានសង្ខេបសន្តិភាពប៉ុស្តិ៍
អំពីប្រសាសន៍ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត៖✍សម្តេចធិបតី ហ៊ុន ម៉ាណែត៖ ការអភិវឌ្ឍជាតិប្រកបដោយចីរភាព អាស្រ័យលើគុណភាពធនធានមនុស្ស។
រាជធានីភ្នំពេញ៖ ក្នុងស្មារតីលើកកម្ពស់ការអភិវឌ្ឍសង្គមជាតិ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានគូសបញ្ជាក់យ៉ាងច្បាស់ថា ការរីកចម្រើននៃសង្គមជាតិមួយ គឺចាំបាច់ត្រូវមានការចូលរួមពីធនធានមនុស្សដែលមានគុណភាពគ្រប់ផ្នែក។
សម្តេចធិបតីបានលើកឡើងថា កត្តាគន្លឹះក្នុងការជំរុញវឌ្ឍនភាពជាតិ រួមមាន៖
✍ ធនធានមនុស្សប្រកបដោយសមត្ថភាព៖ ការមានធនធានមនុស្សគ្រប់ជំនាញ ដើម្បីឆ្លើយតបទៅនឹងតម្រូវការអភិវឌ្ឍន៍សេដ្ឋកិច្ច និងសង្គម។
✍ សុខភាពមាំមួន៖ ការយកចិត្តទុកដាក់លើសុខុមាលភាព ដើម្បីធានាបាននូវកម្លាំងពលកម្មប្រកបដោយផលិតភាព។
✍ វិន័យ និងឆន្ទៈ៖ ការបណ្តុះស្មារតីទទួលខុសត្រូវខ្ពស់ក្នុងការបំពេញការងារ និងការគោរពវិន័យ ដើម្បីកសាងសង្គមមួយដែលមានសណ្តាប់ធ្នាប់ និងសុខដុមរមនា។
សម្តេចនាយករដ្ឋមន្ត្រីបានសង្កត់ធ្ងន់ថា ការកសាងធនធានមនុស្សដែលប្រកបដោយទាំងចំណេះដឹង សុខភាពល្អ វិន័យ និងឆន្ទៈមោះមុត គឺជាមូលដ្ឋានគ្រឹះមិនអាចខ្វះបាន ក្នុងការធានាបាននូវការអភិវឌ្ឍជាតិប្រកបដោយភាពរឹងមាំ និងយូរអង្វែង។
✍រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ និងជាទីប្រឹក្សាសម្តេចអគ្គមហាសេនាបតីតេជោ ហ៊ុន សែន។
