ព័ត៌មានសង្ខេបសន្តិភាពប៉ុស្តិ៍
ឯកឧត្តម បណ្ឌិត ស្បោង សារ៉ាត អញ្ជើញបិទវគ្គអប់រំនយោបាយជូនមន្ត្រីគណបក្សមូលដ្ឋាន ក្នុងស្រុកពោធិ៍រៀងនារសៀលថ្ងៃទី០៩ ខែឧសភា ឆ្នាំ២០២៦ ឯកឧត្តម បណ្ឌិត ស្បោង សារ៉ាត សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សខេត្តព្រៃវែង។ បានអញ្ជើញជាអធិបតីក្នុងពិធីបិទវគ្គអប់រំនយោបាយ ជូនដល់មន្ត្រីគណបក្សនៃគណៈកម្មាធិការគណបក្សមូលដ្ឋាន និងសាខាគណបក្សអង្គភាពជុំវិញស្រុកពោធិ៍រៀង។
តាមរបាយការណ៍សង្ខេប ពិធីនេះមានការអញ្ជើញចូលរួមពីសំណាក់ថ្នាក់ដឹកនាំគណបក្សខេត្ត ក្រុមគ្រូឧទ្ទេស និងសិក្ខាកាមដែលជាមន្ត្រីគណបក្សមកពីបណ្តាឃុំទាំង៦ ព្រមទាំងសាខាគណបក្សចំណុះជុំវិញស្រុក សរុបចំនួន ២៤៣នាក់ (ស្រី ៣១នាក់)។ វគ្គអប់រំនយោបាយនេះ ត្រូវបានរៀបចំឡើងក្នុងគោលបំណងពង្រឹងសមត្ថភាព ចំណេះដឹង និងសីលធម៌នយោបាយ ដល់មន្ត្រីបក្សនៅមូលដ្ឋាន ដើម្បីបន្តបម្រើសេវាសាធារណៈ និងអភិវឌ្ឍន៍សហគមន៍ឱ្យកាន់តែប្រសើរឡើង៕
រៀបរៀងអត្ថបទដោយ
ឯកឧត្តមបណ្ឌិត មាស ច័ន្ទរិទ្ធ ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា។
