✍នេះគឺជាអត្ថបទអប់រំ ព័ត៌មានសង្ខេបសន្តិភាពប៉ុស្តិ៍
អំពីការរំលោភបំពានលើទ្រូងផ្លូវសាធារណៈ៖✍ការរំលោភបំពានលើផ្លូវសាធារណៈ៖ ជាទង្វើខុសច្បាប់ដែលប៉ះពាល់ដល់សង្គមជាតិ។
ផ្លូវសាធារណៈ គឺជាទ្រព្យសម្បត្តិរបស់រដ្ឋដែលបម្រើផលប្រយោជន៍ដល់ប្រជាពលរដ្ឋទូទៅ ក្នុងការធ្វើដំណើរ ការដឹកជញ្ជូន និងសុវត្ថិភាពសង្គម។ ទោះជាយ៉ាងណាក៏ដោយ ការរំលោភបំពានដោយការសាងសង់សំណង់មិនរៀបរយ ការដាក់តាំងលក់ទំនិញ ឬការយកផ្លូវធ្វើជាកន្លែងផ្ទាល់ខ្លួន នៅតែជាបញ្ហាដែលបង្កផលវិបាកធ្ងន់ធ្ងរ។
✍ផលប៉ះពាល់នៃការរំលោភបំពាន៖
✅ គ្រោះថ្នាក់ចរាចរណ៍៖ ការដាក់តាំងទំនិញ ឬសំណង់រំលោភលើទ្រូងផ្លូវ ធ្វើឱ្យផ្លូវរួមតូច បាត់បង់គន្លងផ្លូវ និងកាត់បន្ថយទិដ្ឋភាពមើលឃើញ ដែលជាហេតុនាំឱ្យងាយកើតមានគ្រោះថ្នាក់។
✅ កកស្ទះចរាចរណ៍៖ បង្កការលំបាកដល់ការធ្វើដំណើររបស់ប្រជាពលរដ្ឋ និងការសង្គ្រោះបន្ទាន់នានា។
✅ បាត់បង់សោភ័ណភាព៖ សំណង់មិនរៀបរយធ្វើឱ្យបាត់បង់របៀបរៀបរយ និងសោភ័ណភាពនៃទីក្រុង ឬភូមិឋាន។
✍ការអំពាវនាវ៖
សូមបងប្អូនប្រជាពលរដ្ឋចូលរួមគោរពច្បាប់ចរាចរណ៍ និងសណ្ដាប់ធ្នាប់សាធារណៈទាំងអស់គ្នា៖
១. កុំសាងសង់សំណង់ រំលោភលើដីចំណីផ្លូវសាធារណៈដោយគ្មានការអនុញ្ញាត។
២. កុំដាក់តាំងទំនិញ ឬសម្ភារលើទ្រូងផ្លូវ ដែលបង្កការរាំងស្ទះ។
៣. រួមគ្នាថែរក្សា ផ្លូវសាធារណៈឱ្យមានរបៀបរៀបរយ ដើម្បីភាពងាយស្រួល និងសុវត្ថិភាពសម្រាប់យើងទាំងអស់គ្នា។
✍(ការគោរពច្បាប់ គឺជាការបង្ហាញនូវភាពថ្លៃថ្នូរ និងការទទួលខុសត្រូវចំពោះសង្គមជាតិ)
✍រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
