✍សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុញ្ញាតឱ្យគណៈប្រតិភូធុរកិច្ចនៃសាធារណរដ្ឋកូរ៉េ ចូលជួបសម្តែងការគួរសម និងពិភាក្សាការងារ
*នៅថ្ងៃទីចន្ទ ទី២០ ខែកក្កដា ឆ្នាំ២០២៦*ទីកន្លែង៖ វិមានសន្តិភាព រាជធានីភ្នំពេញ។
✍សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យគណៈប្រតិភូធុរកិច្ចនៃសាធារណរដ្ឋកូរ៉េ ចូលជួបសម្តែងការគួរសម និងពិភាក្សាការងារលើកកម្ពស់កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគ។
ក្នុងជំនួបដ៏មានសារៈសំខាន់នេះ ភាគីទាំងពីរបានពិភាក្សាគ្នាផ្ដោតលើចំណុចសំខាន់ៗរួមមាន៖
*ការពង្រឹងកិច្ចសហប្រតិបត្តិការសេដ្ឋកិច្ច៖ ជំរុញ និងទាក់ទាញលំហូរវិនិយោគពីសាធារណរដ្ឋកូរ៉េមកកាន់កម្ពុជាបន្ថែមទៀត លើវិស័យសក្តានុពលនានា។
*ការលើកកម្ពស់វិស័យឯកជន៖ ការបង្កើតបរិយាកាសអំណោយផល និងការគាំទ្រដល់សហគ្រិន និងធុរជនកូរ៉េដែលកំពុងធ្វើអាជីវកម្ម និងស្វែងរកឱកាសវិនិយោគនៅកម្ពុជា។
*ទំនាក់ទំនងទ្វេភាគី៖ ការបន្តពង្រឹងចំណងមិត្តភាពដ៏ល្អប្រសើររវាងប្រទេស និងប្រជាជនទាំងពីរ ឱ្យកាន់តែស៊ីជម្រៅថែមទៀត។
សម្តេចបវរធិបតី បានស្វាគមន៍យ៉ាងកក់ក្តៅចំពោះគណៈប្រតិភូធុរកិច្ចកូរ៉េ និងបានគូសបញ្ជាក់ពីការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការធានាដល់បរិយាកាសវិនិយោគប្រកបដោយភាពងាយស្រួល និងការអនុគ្រោះផ្សេងៗ ស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា។
✍រៀបរៀងអត្ថបទផ្សាយ
នាយកប្រតិបត្តិ(សន្តិភាពប៉ុស្តិ៍)។
