✍អត្ថបទព័ត៌មាន (សន្តិភាព ប៉ុស្តិ៍)
អំពីការប្រើប្រាស់បណ្ដាញសង្គម និងយុទ្ធសាស្ត្រការកសាងទំនាក់ទំនងសង្គម។✍នៅក្នុងសម័យបច្ចុប្បន្ន ដែលបណ្ដាញសង្គមក្លាយជាវេទិកាសំខាន់សម្រាប់ការប្រាស្រ័យទាក់ទង និងផ្សព្វផ្សាយព័ត៌មាន ព័ត៌មាន និងមតិរបស់មនុស្សរាប់លាននាក់ត្រូវបានបង្ហាញ និងចែករំលែកក្នុងរយៈពេលខ្លី។ ទោះជាយ៉ាងណា ការប្រើប្រាស់បណ្ដាញសង្គមដោយគ្មានការយកចិត្តទុកដាក់ អាចបង្ករបញ្ហាក្នុងសង្គម និងប៉ះពាល់ដល់រូបភាពរបស់ប្រទេស។
អ្នកវិភាគសង្គមមួយចំនួនបានលើកឡើងថា វប្បធម៌ប្រើប្រាស់បណ្ដាញសង្គមត្រូវការការយកចិត្តទុកដាក់ឲ្យខ្ពស់ ពិសេសចំពោះមតិឬអត្ថបទដែលអាចនាំឲ្យកើតការយល់ច្រឡំ ការចាក់ទាស់ ឬបង្កើតភាពតានតឹងក្នុងសង្គម។ ពួកគេចង្អុលបង្ហាញថា “យុទ្ធសាស្ត្រមួយដើម្បីបន្តអភិវឌ្ឍន៍សង្គម គឺកុំពង្រីកសត្រូវ ត្រូវបង្កើនមិត្ត កាត់បន្ថយការបង្កគុម្ពារ និងជំរុញឲ្យមានសហការណ៍”។
តាមការវិភាគ ប្រទេសមួយអាចរក្សាស្ថិរភាព និងភាពរឹងមាំបាន ប្រសិនបើប្រជាជនរួមចំណែកលើការប្រើប្រាស់ព័ត៌មានឲ្យមានទំនួលខុសត្រូវ មិនប្រើបណ្ដាញសង្គមដើម្បីរំលោភ បង្ខូច ឬបង្កើតភាពមិនគ្នាមតិដែលប៉ះពាល់ដល់ប្រទេស។ ពួកគេបានលើកទឹកចិត្តឲ្យអ្នកប្រើប្រាស់បណ្ដាញសង្គមទាំងឡាយ គោរពគ្នាទៅវិញទៅមក បង្ហាញមតិដោយភាពសុភាពរាបសារ និងគិតមុនចែករំលែក។
ជាមួយគ្នានេះ ប្រភពជំនាញក៏បានអំពាវនាវឲ្យមន្ត្រី ទីបំផុតរហូតដល់ជនសាមញ្ញ ប្រើប្រាស់បណ្ដាញសង្គមតាមបែបវិជ្ជាជីវៈ ដើម្បីលើកស្ទួយរូបភាពប្រទេស និងបង្កើតបរិយាកាសសាមគ្គីក្នុងសង្គម។ វាបានក្លាយជាកិច្ចការរួមរបស់មនុស្សគ្រប់រូបក្នុងការរក្សាគុណតម្លៃសង្គម និងគោលដៅអភិវឌ្ឍន៍របស់កម្ពុជា។
✍រៀបរៀងដោយ បណ្ឌិតមាស ច័ន្ទរិទ្ធ
ប្រធានប្រតិបត្តិ (សន្តិភាព ប៉ុស្តិ៍)
