✍ព័ត៌មានផ្សព្វផ្សាយ សន្តិភាពប៉ុស្តិ៍ ppw
ឯកឧត្តមបណ្ឌិត ស្បោង សារ៉ាត អញ្ជើញដង្ហែអង្គកឋិនទានសាមគ្គី នៅខេត្តព្រៃវែងព្រឹកថ្ងៃទី០១ ខែវិច្ឆិកា ឆ្នាំ២០២៥
ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងជាប្រធានគណបក្សប្រជាជនកម្ពុជា ខេត្តព្រៃវែង ។
✍ព្រមទាំងសហការី បានអញ្ជើញដង្ហែអង្គកឋិនទានសាមគ្គី នៅ វត្តថ្មីសិរីឧត្តម (វត្តត្រពាំងព្រីង) ស្ថិតនៅឃុំដំរីពួន ស្រុកស្វាយអន្ទរ ខេត្តព្រៃវែង។
ក្នុងពិធីដង្ហែអង្គកឋិនទានសាមគ្គីនេះ ឯកឧត្តម និងសហការី ព្រមទាំងបងប្អូនពុទ្ធបរិស័ទជិតឆ្ងាយ បានចូលរួមយ៉ាងសប្បាយរីករាយ ដើម្បីប្រមូលបច្ច័យសម្រាប់ជួយសម្រួលក្នុងការកសាងសមិទ្ធផលនានា នៅក្នុងវត្ត។ បច្ច័យសរុបដែលបានប្រមូលក្នុងឱកាសនោះ មានចំនួន ២០,២៩៦,០០០ រៀល និង ស៊ីម៉ងត៍ចំនួន ១០ តោន ដែលប្រគេនដល់ព្រះគ្រូចៅអធិការវត្ត។
ក្រោយពេលនោះ នៅរសៀលថ្ងៃដូចគ្នា
ឯកឧត្តមបណ្ឌិត ស្បោង សារ៉ាត និងសហការី ក៏បានអញ្ជើញចូលរួម បុណ្យកឋិនទានសាមគ្គី នៅវត្តព្រៃរូង ស្ថិតនៅឃុំដំរីពួន ស្រុកស្វាយអន្ទរ ខេត្តព្រៃវែង ដោយបានប្រគេនបច្ច័យចំនួន ១,៨៣០,០០០ រៀល ផងដែរ។
ពិធីបុណ្យកឋិនទានទាំងពីរនេះ ជាការបង្ហាញពីស្មារតីសាមគ្គី និងចិត្តសប្បុរសរបស់ពុទ្ធបរិស័ទ និងមនុស្សជាទីគោរព ដែលសហការចូលរួមធ្វើបុណ្យបន្ថែមសិរីមង្គលដល់សហគមន៍ជនរួមជាតិ។
✍រៀបរៀងដោយ បណ្ឌិត មាស ច័ន្ទរិទ្ធ សមាជិកក្រុមការងារចល័ត នៃគណបក្សប្រជាជនកម្ពុជា ចុះមូលដ្ឋានខេត្តព្រៃវែង ។
