នៅព្រឹកថ្ងៃទី១៨ ខែមករា ឆ្នាំ២០២៦
ឯកឧត្តម ចាន់ ដេត សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់ ឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង។អមដំណើរដោយសហការី បាននាំយកស៊ីម៉ងត៍ចំនួន ១០តោន ប្រគេនជូនព្រះគ្រូចៅអធិការវត្តថ្មីសិរីឧត្តម (ហៅវត្តត្រពាំងព្រីង) ស្ថិតនៅឃុំដំរីពួន ស្រុកស្វាយអន្ទរ ខេត្តព្រៃវែង។
ការប្រគេនសម្ភារៈសំណង់នេះ គឺដើម្បីចូលរួមចំណែកជាមួយព្រះសង្ឃ និងពុទ្ធបរិស័ទ ក្នុងការបន្តកសាង ឧបដ្ឋានសាលា នៅក្នុងវត្តថ្មីសិរីឧត្តម ឱ្យបានឆាប់រួចរាល់ សម្រាប់បម្រើដល់សកម្មភាពសាសនា និងសាធារណប្រយោជន៍។
ក្នុងឱកាសនោះ ព្រះគ្រូចៅអធិការវត្ត និងគណៈកម្មការវត្ត បានសម្ដែងនូវការថ្លែងអំណរគុណយ៉ាងជ្រាលជ្រៅ ចំពោះឯកឧត្តម និងសហការី ដែលតែងតែយកចិត្តទុកដាក់គាំទ្រការអភិវឌ្ឍវិស័យព្រះពុទ្ធសាសនា និងសហគមន៍មូលដ្ឋានជានិច្ច។
ផ្សព្វផ្សាយដោយ បណ្ឌិត មាស ច័ន្ទរិទ្ធ ទីប្រឹក្សាសម្ដេចអគ្គមហាសេនាបតីតេជោ ហ៊ុន សែន
ប្រធានគណបក្សប្រជាជនកម្ពុជា។
