នៅថ្ងៃទី១៥ ខែកុម្ភៈ ឆ្នាំ២០២៦ បណ្ឌិត ឃីម សុខឃាង ប្រធានគណៈកម្មាធិការគណបក្សប្រជាជនកម្ពុជា ស្រុកប្រាសាទសំបូរ ខេត្តកំពង់ធំ បានអញ្ជើញចូលរួមជាមួយឯកឧត្តម ជា វ៉ាន់ចាន់ អនុប្រធានក្រុមការងារគណបក្សចុះមូលដ្ឋានស្រុកប្រាសាទសំបូរ។
ក្នុងពិធីប្រកាសទទួលស្គាល់សមាជិកគណបក្ស នៅឃុំគោល ស្រុកប្រាសាទសំបូរ ខេត្តកំពង់ធំ។
ពិធីនេះត្រូវបានរៀបចំឡើងក្នុងបរិយាកាសអធិកអធម ដោយមានការចូលរួមពីថ្នាក់ដឹកនាំគណបក្សមូលដ្ឋាន សមាជិក សមាជិកា និងប្រជាពលរដ្ឋជាច្រើន។ កម្មវិធីនេះមានគោលបំណងបន្តពង្រឹងរចនាសម្ព័ន្ធគណបក្សនៅមូលដ្ឋាន ពង្រីកសមាជិកភាព និងលើកកម្ពស់សាមគ្គីភាពឯកភាពផ្ទៃក្នុងឲ្យកាន់តែរឹងមាំ។
ក្នុងឱកាសនោះ បណ្ឌិត ឃីម សុខឃាង បានថ្លែងអំណរគុណចំពោះសមាជិកថ្មីៗដែលបានសម្រេចចិត្តចូលរួមជាសមាជិកគណបក្ស ព្រមទាំងបានណែនាំឲ្យសមាជិកទាំងអស់បន្តគោរពតាមគោលការណ៍ និងលក្ខន្តិកៈរបស់គណបក្ស ខិតខំបម្រើប្រជាពលរដ្ឋដោយស្មោះត្រង់ និងរួមចំណែកអភិវឌ្ឍមូលដ្ឋានឲ្យមានការរីកចម្រើនបន្ថែមទៀត។
ឯកឧត្តម ជា វ៉ាន់ចាន់ ក៏បានលើកឡើងពីសារៈសំខាន់នៃការចូលរួមរបស់សមាជិកគ្រប់រូប ក្នុងការថែរក្សាសុខសន្តិភាព ស្ថិរភាពនយោបាយ និងការអភិវឌ្ឍសង្គមសេដ្ឋកិច្ចនៅមូលដ្ឋានឲ្យមានចីរភាព។
ពិធីប្រកាសទទួលស្គាល់សមាជិកគណបក្សនេះ បានប្រព្រឹត្តទៅដោយរលូន និងជោគជ័យ សមាជិកថ្មីៗបានបង្ហាញពីការតាំងចិត្តចូលរួមអនុវត្តតាមទិសដៅ និងភារកិច្ចរបស់គណបក្ស ដើម្បីរួមគ្នាកសាង និងអភិវឌ្ឍស្រុកប្រាសាទសំបូរ ឲ្យកាន់តែរីកចម្រើន។
របាយការណ៍ពីបណ្ឌិត មាស ច័ន្ទរិទ្ធ
ក្រុមការងារគណបក្ស ចុះមូលដ្ឋានស្រុកប្រាសាទសំបូរ និងខេត្តកំពង់ធំ។
