✍(III)សេចក្តីសង្ខេបខ្លឹមសារមេរៀន៖ ការយល់ដឹងអំពីលក្ខន្តិកៈគណបក្សប្រជាជនកម្ពុជា។
✍១.អ្វីទៅជាលក្ខន្តិកៈគណបក្ស?
លក្ខន្តិកៈ គឺជា ច្បាប់កំពូល ឬជាវិធានផ្ទៃក្នុងរបស់គណបក្ស ដែលកំណត់អំពីគោលបំណង គោលនយោបាយ រចនាសម្ព័ន្ធចាត់តាំង របៀបរបបធ្វើការងារ លក្ខខណ្ឌសមាជិកភាព និងបទវិន័យផ្សេងៗ។ វាជាមូលដ្ឋានគ្រឹះសម្រាប់ធានានូវឯកភាពសតិអារម្មណ៍ នយោបាយ និងការចាត់តាំងរបស់គណបក្សទាំងមូល។
✍២.គោលបំណងនៃការកសាងគណបក្ស
ពង្រឹងកម្លាំងនយោបាយ៖ កសាងគណបក្សឱ្យទៅជាបង្អែកដ៏រឹងមាំសម្រាប់ជាតិ និងប្រជាជន។
រក្សាសន្តិភាព និងការអភិវឌ្ឍ៖ ដើម្បីដឹកនាំប្រទេសជាតិឱ្យមានសុខសន្តិភាព ឯករាជ្យ អធិបតេយ្យភាព ប្រជាធិបតេយ្យ និងវឌ្ឍនភាពសង្គម។
ភាពស្មោះត្រង់៖ បណ្តុះបណ្តាលជួរកម្មាភិបាលឱ្យមានគុណធម៌ សមត្ថភាព និងផ្សារភ្ជាប់ជោគវាសនាជាមួយប្រជាជនជានិច្ច។
✍៣.ភារកិច្ច និងសិទ្ធិរបស់សមាជិកគណបក្ស
ភារកិច្ច៖ ត្រូវស្មោះត្រង់ចំពោះជាតិ និងគណបក្ស, គោរពលក្ខន្តិកៈ និងកម្មវិធីនយោបាយ, ខិតខំរៀនសូត្រលើកកម្ពស់សមត្ថភាព, រក្សាសាមគ្គីភាពផ្ទៃក្នុង និងធ្វើជាគំរូក្នុងជីវភាពរស់នៅ។
សិទ្ធិ៖ មានសិទ្ធិពិភាក្សា និងបោះឆ្នោតសម្រេចកិច្ចការរបស់គណបក្ស, សិទ្ធិបោះឆ្នោតជ្រើសរើស និងត្រូវបានគេបោះឆ្នោតជ្រើសរើសក្នុងអង្គការចាត់តាំងបក្ស និងមានសិទ្ធិបញ្ចេញមតិក្នុងអង្គប្រជុំបក្សតាមលក្ខណៈប្រជាធិបតេយ្យ។
✍៤.គោលការណ៍ចាត់តាំង និងខ្សែរយៈចាត់តាំង
គោលការណ៍៖ គណបក្សអនុវត្តគោលការណ៍ (ប្រជាធិបតេយ្យមជ្ឈការ) (សមូហភាពដឹកនាំ បុគ្គលទទួលខុសត្រូវ, ភាគតិចគោរពភាគច្រើន, ថ្នាក់ក្រោមគោរពថ្នាក់លើ)។
ខ្សែរយៈចាត់តាំង៖ បង្កបង្កើតឡើងតាមឋានានុក្រម ចាប់ពីថ្នាក់កណ្តាល ចុះមកថ្នាក់រាជធានី-ខេត្ត, ក្រុង-ស្រុក-ខណ្ឌ, ឃុំ-សង្កាត់ រហូតដល់ថ្នាក់សាខាបក្សភូមិ និងក្រុមបក្សនៅតាមមូលដ្ឋាន។
✍៥.ការលើកសរសើរ និងវិន័យ
ការលើកសរសើរ៖ សមាជិក ឬអង្គការចាត់តាំងដែលមានស្នាដៃឆ្នើម នឹងត្រូវទទួលបានការសរសើរ ការផ្តល់គ្រឿងឥស្សរិយយស ឬការដំឡើងតួនាទីភារកិច្ចតាមការសមគួរ។
វិន័យ៖ ចំពោះសមាជិកដែលល្មើសលក្ខន្តិកៈ បង្កការបែកបាក់ ឬធ្វើឱ្យប៉ះពាល់កិត្តិយសបក្ស ត្រូវរងទណ្ឌកម្មវិន័យតាមកម្រិត (អប់រំ រំលឹកស្មារតី ស្តីបន្ទោស ព្យួរការងារបក្ស ឬលុបឈ្មោះចេញពីបញ្ជីសមាជិក)។
✍ឯកឧត្តមបណ្ឌិត មាស ច័ន្ទរិទ្ធ
ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានសមាគមសប្បុរសធម៌។
