✍IV.តួនាទីដ៏ថ្លៃថ្លារបស់មន្ត្រីគណបក្ស (ពីអតីតកាលដល់បច្ចុប្បន្ន)
មន្ត្រីគណបក្សគឺជាឆ្អឹងខ្នង និងជាកម្លាំងចលករដ៏សំខាន់បំផុតក្នុងការសម្រេចរាល់ភារកិច្ចរបស់គណបក្ស។
✍១.ដំណាក់កាលសង្គ្រោះជាតិ៖ បានដើរតួជាអ្នកស្នេហាជាតិដ៏ស្មោះត្រង់ ហ៊ានលះបង់សាច់ស្រស់ឈាមស្រស់ ដើម្បីរំដោះប្រទេសជាតិចេញពីរបបប្រល័យពូជសាសន៍ ប៉ុល ពត និងការពារការរស់ឡើងវិញរបស់ប្រជាជន។
ដំណាក់កាលបច្ចុប្បន្ន៖ ជាអ្នកបម្រើប្រជាជនដោយស្មោះត្រង់ ជាអ្នកអនុវត្តកម្មវិធីនយោបាយរបស់គណបក្ស និងជាស្នូលក្នុងការថែរក្សាសន្តិភាព ស្ថិរភាពនយោបាយ និងការអភិវឌ្ឍសេដ្ឋកិច្ច-សង្គម។
✍២.លក្ខណៈសម្បត្តិរបស់មន្ត្រីគណបក្ស
មន្ត្រីគណបក្សត្រូវប្រកាន់ខ្ជាប់នូវលក្ខណៈសម្បត្តិសំខាន់ៗ ៤ យ៉ាង៖
គុណធម៌ និងសីលធម៌៖ រស់នៅស្អាតស្អំ សុភាពរាបសារ មិនច្រងេងច្រងាង និងជាគំរូល្អក្នុងសង្គម។
សមត្ថភាព៖ មានចំណេះដឹងទូលំទូលាយ បទពិសោធន៍ការងារ និងចេះដោះស្រាយបញ្ហាប្រឈមនានាបានទាន់ពេលវេលា។
ភក្តីភាព៖ ស្មោះត្រង់ដាច់ខាតចំពោះជាតិ សាសនា ព្រះមហាក្សត្រ និងកម្មវិធីនយោបាយរបស់គណបក្ស។
វិន័យ៖ គោរពលក្ខន្តិកៈ បទបញ្ជាផ្ទៃក្នុង និងរាល់សេចក្តីសម្រេចរបស់គណបក្សយ៉ាងខ្ជាប់ខ្ជួន។
✍៣.ភារកិច្ចរបស់មន្ត្រីគណបក្ស
ការងារសតិអារម្មណ៍៖ រក្សាសាមគ្គីភាពផ្ទៃក្នុងឱ្យរឹងមាំ និងពង្រីកឥទ្ធិពលរបស់គណបក្សទៅកាន់មហាជន។
ការងារបម្រើប្រជាជន៖ ចុះជាប់មូលដ្ឋាន ស្តាប់មតិយោបល់ និងជួយដោះស្រាយទុក្ខលំបាករបស់ប្រជាជនដោយមិនរើសអើង។
ការងារស្ថាបនា៖ ចូលរួមយ៉ាងសកម្មក្នុងការកសាង និងការពារសមិទ្ធផលនានារបស់ជាតិ និងគណបក្ស។
ការងារឃោសនា៖ ពន្យល់ និងផ្សព្វផ្សាយឱ្យបានច្បាស់លាស់នូវគោលនយោបាយរបស់គណបក្សដល់គ្រប់ស្រទាប់វណ្ណៈ។
✍៤.របៀបក្លាយខ្លួនជាមន្ត្រីល្អរបស់គណបក្ស
ដើម្បីក្លាយជាមន្ត្រីល្អ ប្រកបដោយគុណភាព និងសីលធម៌ ត្រូវអនុវត្តដូចខាងក្រោម៖
រៀនសូត្រជាប្រចាំ៖ ត្រូវខិតខំអភិវឌ្ឍសមត្ថភាព និងចំណេះដឹងថ្មីៗ ដើម្បីឆ្លើយតបនឹងការវិវត្តនៃសង្គម។
អនុវត្ត (ស្អាតស្អំ) ជៀសវាងអំពើពុករលួយ ការប្រើអំណាចរំលោភបំពាន និងទង្វើទាំងឡាយណាដែលធ្វើឱ្យប៉ះពាល់ដល់កិត្តិយសគណបក្ស។
ពង្រឹងសាមគ្គីភាព៖ ត្រូវមានស្មារតីជួយគ្នាទៅវិញទៅមក និងចេះរិះគន់ដើម្បីស្ថាបនា។
យកចិត្តទុកដាក់លើផលប្រយោជន៍រួម៖ ត្រូវតម្កល់ផលប្រយោជន៍ជាតិ និងប្រជាជនជាធំ ជាងផលប្រយោជន៍ផ្ទាល់ខ្លួន ឬបក្សពួក។
✍ឯកឧត្តមបណ្ឌិត មាស ច័ន្ទរិទ្ធ
ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានសមាគមសប្បុរសធម៌។
