សូមគោរពជូន សម្តេចអគ្គ
មហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា។សារលិខិតថ្លែងអំណរគុណ
ចំពោះការផ្តល់សេចក្តីទុកចិត្តតែងតាំងរូបខ្ញុំបាទជា ទីប្រឹក្សាសម្តេចតេជោប្រធាន។
ក្នុងនាមរូបខ្ញុំបាទ បណ្ឌិត មាស ច័ន្ទរិទ្ធ ខ្ញុំបាទមានសេចក្តីរំភើបឥតឧបមា និងសូមសម្តែងនូវការដឹងគុណយ៉ាងជ្រាលជ្រៅបំផុតជូនចំពោះ សម្តេចតេជោប្រធាន ដែលបានផ្តល់សេចក្តីទុកចិត្ត និងសេចក្តីសប្បុរស តែងតាំងរូបខ្ញុំបាទជាទីប្រឹក្សាផ្ទាល់របស់សម្តេច។
រូបខ្ញុំបាទ សូមប្ដេជ្ញាចិត្តខិតខំប្រឹងប្រែងអស់ពីកម្លាំងកាយចិត្ត ប្រាជ្ញា ស្មារតី ដើម្បីបម្រើស្ថាប័ន និងជាតិមាតុភូមិ ឱ្យស្របតាមការទុកចិត្តដ៏ខ្ពង់ខ្ពស់របស់សម្តេច។
ជាទីបញ្ចប់ ខ្ញុំបាទសូមគោរពជូនពរ សម្តេចតេជោប្រធាន និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រី និងចៅៗទាំងអស់ សូមជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូម សម្តេចអគ្គមហាសេនាបតីតេជោ ហ៊ុន សែន មេត្តាទទួលនូវសេចក្តីគោរពដ៏ខ្ពង់ខ្ពស់បំផុតពីខ្ញុំបាទ។
បណ្ឌិត មាស ច័ន្ទរិទ្ធ
