ព័ត៌មានសង្ខេបសន្តិភាពប៉ុស្តិ៍
សម្តេចធិបតី ហ៊ុន ម៉ាណែត ៖ ទោះមានសង្ឃឹមត្រឹម ១ភាគរយ ក៏ត្រូវដោះស្រាយបញ្ហាជាមួយថៃដោយសន្តិវិធី ដើម្បីជៀសវាងសង្គ្រាម។
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានផ្តល់អនុសាសន៍ណែនាំដ៏មានសារៈសំខាន់ ដោយបានសង្កត់ធ្ងន់យ៉ាងច្បាស់ៗអំពីគោលជំហរឥតងាករេរបស់កម្ពុជា ក្នុងការរក្សា និងការពារសន្តិភាពជាមួយប្រទេសជិតខាង។
សម្តេចធិបតី បានមានប្រសាសន៍បញ្ជាក់ថា៖ «ទោះបីជាមានសង្ឃឹមត្រឹមតែ ១ភាគរយ នៅក្នុងការដោះស្រាយបញ្ហាជាមួយថៃដោយសន្តិវិធី ក៏ត្រូវតែយកយន្តការនេះធ្វើការដោះស្រាយដែរ ជៀសវាងសង្រ្គាម»។
👉 ខ្លឹមសារគន្លឹះនៃប្រសាសន៍ណែនាំ៖
👉 * អាទិភាពនៃសន្តិវិធី៖ ការប្រកាន់ខ្ជាប់នូវកិច្ចសន្ទនា និងយន្តការការទូតជាជម្រើសដំបូង និងដាច់ខាត ទោះស្ថិតក្នុងកម្រិតសង្ឃឹមតិចតួចបំផុតក៏ដោយ។
👉 * ការជៀសវាងជម្លោះប្រដាប់អាវុធ៖ បដិសេធដាច់ខាតចំពោះការប្រើប្រាស់កម្លាំងយោធា ឬសង្គ្រាម ដែលបង្កវិនាសកម្មដល់ប្រជាជាតិទាំងសងខាង។
👉 * ការរក្សាស្ថិរភាពព្រំដែន៖ ឆ្លុះបញ្ចាំងពីការប្តេជ្ញាចិត្តខ្ពស់របស់រាជរដ្ឋាភិបាលកម្ពុជា ក្នុងការកសាងតំបន់ព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍន៍ ជាមួយប្រទេសជិតខាង ដើម្បីផលប្រយោជន៍យូរអង្វែងរបស់ប្រជាពលរដ្ឋ៕
✍រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
