ព័ត៌មានសង្ខេបសន្តិភាពប៉ុស្តិ៍សកម្មភាពការងាររបស់សម្តេចក្រឡាហោម ស ខេង នៅស្រុកកំចាយមារ ខេត្តព្រៃវែង
នាព្រឹកថ្ងៃទី១៥ ខែឧសភា ឆ្នាំ២០២៦ នេះ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ បានអញ្ជើញចុះបំពេញបេសកកម្ម និងពិនិត្យសមិទ្ធផលនានា នៅក្នុងស្រុកកំចាយមារ ខេត្តព្រៃវែង ដូចខាងក្រោម៖។
✍ ផ្នែកហេដ្ឋារចនាសម្ព័ន្ធ៖ អញ្ជើញចុះពិនិត្យផ្លូវបេតុងប្រវែង ៨,១៦០ម៉ែត្រ ដែលឆ្លងកាត់ភូមិ-ឃុំមួយចំនួន ក្នុងឃុំជាច និងឃុំក្របៅ។
✍ វិស័យសាសនា៖ អញ្ជើញប្រគេនទេយ្យទានដល់ព្រះសង្ឃ ចែកអំណោយដល់ពុទ្ធបរិស័ទ និងពិនិត្យការកសាងសមិទ្ធផលនានា នៅវត្តរតនៈសីលា (ហៅវត្តក្របៅថ្មី) ស្ថិតក្នុងឃុំក្របៅ។
✍ វិស័យអប់រំ និងកសិកម្ម៖ អញ្ជើញពិនិត្យវឌ្ឍនភាពវិទ្យាស្ថាន និងសមិទ្ធផលនានា នៅក្នុងសាកលវិទ្យាល័យជាតិ ជា ស៊ីម កំចាយមារ (ឃុំស្មោងខាងជើង) និងបានបន្តទៅពិនិត្យកសិដ្ឋានចិញ្ចឹមមាន់ នៅក្នុងឃុំក្រញូង។
✍ វិស័យសុខាភិបាល៖ អញ្ជើញពិនិត្យវឌ្ឍនភាពនៃការសាងសង់អគារវះកាត់ នៃមជ្ឈមណ្ឌលសុខភាពស្រុកកំចាយមារ ស្ថិតក្នុងឃុំក្រញូង ផងដែរ។
✍រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
