ព័ត៌មានសន្តិភាពប៉ុស្តិ៍
ការមើលឃើញកំហុសអ្នកដទៃ ច្បាស់ជាងកំហុសខ្លួនឯង គឺជាធម្មជាតិរបស់មនុស្ស ប៉ុន្តែវាក៏ជាឧបសគ្គធំដែលរាំងស្ទះដល់ការរីកចម្រើន។ ខាងក្រោមនេះគឺជាសារអប់រំខ្លីៗដើម្បីដាស់តឿនសតិ៖។
១. "កញ្ចក់ និង កែវពង្រីក"
យើងច្រើនតែប្រើ កែវពង្រីក ដើម្បីតាមឆ្លុះរកចំណុចខ្មៅលើខ្នងអ្នកដទៃ ប៉ុន្តែបែរជាភ្លេចប្រើ កញ្ចក់ ដើម្បីឆ្លុះមើលប្រឡាក់លើមុខខ្លួនឯងទៅវិញ។ ការរិះគន់អ្នកដទៃ មិនបានធ្វើឱ្យយើងល្អឡើងនោះទេ មានតែការកែលម្អខ្លួនឯងទេ ទើបជាតម្លៃពិតប្រាកដ។
២.បើកចិត្តឱ្យទូលាយ
កុំធ្វើជាមនុស្សចេះដឹងគ្រប់រឿង លើកលែងតែរឿងកំហុសខ្លួនឯង។
រៀនទទួលយកការរិះគន់៖ សម្ដីរិះគន់ពីអ្នកដទៃ គឺជាថ្នាំល្វីងដែលជួយព្យាបាលជំងឺ "អួតអាង"។
ស្វ័យពិនិត្យ៖ មុននឹងចង្អុលមុខអ្នកណាម្នាក់ សូមពិនិត្យមើលម្រាមដៃ ៣ ទៀតដែលកំពុងចង្អុលមកកាន់ខ្លួនឯងវិញ។
៣.ផ្លាស់ប្តូរការគិត
ការមើលឃើញចំណុចខ្វះខាតរបស់អ្នកដទៃ គួរតែប្រើជា មេរៀន ដើម្បីដាស់តឿនកុំឱ្យយើងប្រព្រឹត្តតាម មិនមែនប្រើជា អាវុធ ដើម្បីវាយប្រហារ ឬជាន់ពន្លិចគេឡើយ។
រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
