✍ព័ត៌មានសង្ខេបសន្តិភាពប៉ុស្តិ៍
ផ្នែកលើប្រសាសន៍ដ៏ខ្ពង់ខ្ពស់សម្ដេចធិបតីជំហរម៉ឺងម៉ាត់របស់សម្តេចធិបតី លើអធិបតេយ្យភាពជាតិ និងសេចក្តីថ្លៃថ្នូររបស់ប្រជាជនកម្ពុជា។
ភ្នំពេញ៖ នៅក្នុងសេចក្តីថ្លែងការណ៍ដ៏មានអត្ថន័យជ្រាលជ្រៅ និងម៉ឺងម៉ាត់
សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានគូសបញ្ជាក់យ៉ាងច្បាស់ៗពីជំហរដាច់ខាតក្នុងការការពារឯករាជ្យ អធិបតេយ្យភាព និងសេចក្តីថ្លៃថ្នូររបស់ជាតិ ដោយបានសង្កត់ធ្ងន់ថា៖ (ប្រជាជនកម្ពុជាទាំង ១៧ លាននាក់ គ្មាននរណាម្នាក់ត្រូវលុតជង្គង់កាត់ទឹកដី ឬឱនក្បាលធ្វើតាមការបង្គាប់បញ្ជារបស់បរទេស ដោយលះបង់នូវផលប្រយោជន៍ជាតិ និងសេចក្តីថ្លៃថ្នូររបស់ខ្លួននោះឡើយ)។
ប្រសាសន៍ដ៏មានឥទ្ធិពលនេះ គឺជាការឆ្លុះបញ្ចាំងពី៖
✍ ការការពារអធិបតេយ្យភាពដាច់ខាត៖ កម្ពុជារក្សាជំហររឹងមាំជារដ្ឋឯករាជ្យ ស្មើភាព និងស្មើមុខមាត់លើឆាកអន្តរជាតិ ដោយមិនទន់ជ្រាយ ឬលំអោនទៅតាមសម្ពាធពីខាងក្រៅ។
✍ សាមគ្គីភាពនិងសេចក្តីថ្លៃថ្នូររបស់ពលរដ្ឋ៖ ការលើកកម្ពស់មនសិការស្នេហាជាតិ និងស្មារតីម្ចាស់ការលើជោគវាសនាជាតិ ក្នុងនាមជាតំណាងឱ្យសំឡេង និងកម្លាំងសាមគ្គីភាពរបស់ប្រជាជនកម្ពុជាទាំង ១៧ លាននាក់។
✍ នយោបាយការបរទេសឈរលើគោលការណ៍ច្បាប់៖ ការបញ្ជាក់ថា ទោះបីជាកម្ពុជាជាប្រទេសតូច និងស្រឡាញ់សន្តិភាព ប៉ុន្តែមិនត្រូវឱ្យមានការរំលោភបំពាន ឬបង្គាប់បញ្ជាផ្ទុយពីឆន្ទៈរបស់ប្រជាពលរដ្ឋ និងរដ្ឋធម្មនុញ្ញនៃព្រះរាជាណាចក្រកម្ពុជានោះឡើយ។
✍កម្ពុជាជាប្រទេសមានអធិបតេយ្យពេញលេញ សម្រេចចិត្តលើជោគវាសនាជាតិដោយខ្លួនឯង ដោយផ្អែកលើផលប្រយោជន៍រួមរបស់ប្រជាជនជាធំ។
✍រៀបរៀងអត្ថបទដោយ
ឯកឧត្តម បណ្ឌិត មាស ច័ន្ទរិទ្ធ ទីប្រឹក្សាសម្ដេចអគ្គមហាសេនាបតីតេជោ ហ៊ុន សែន។
និងជាប្រធានសមាគមសប្បុរសធម៌ បណ្ឌិត មាស ច័ន្ទរិទ្ធ។
