✍ព័ត៌មានសង្ខេបសន្តិភាពប៉ុស្តិ៍
ឃ្លាទាំងបីនេះគឺជាទស្សនវិជ្ជាគតិបណ្ឌិតផ្នែកច្បាប់ ដែលបង្ហាញពីឋានានុក្រម និងតម្លៃស្នូលនៃប្រព័ន្ធយុត្តិធម៌ ធៀបនឹងការពិតជាក់ស្តែង។ ខាងក្រោមនេះជាអត្ថន័យសង្ខេប៖។
១.នៅចំពោះមុខចៅក្រមគឺនិយាយអំពីច្បាប់៖ ចៅក្រមគឺជាអ្នកអនុវត្តច្បាប់ ដូច្នេះរាល់ការដោះស្រាយទំនាស់ ឬការកាត់ក្តី ត្រូវផ្អែកលើមាត្រា បទប្បញ្ញត្តិ និងភស្តុតាងជាធរមានជាដាច់ខាត មិនមែនលើមនោសញ្ចេតនានោះទេ។
២.នៅចំពោះមុខច្បាប់គឺនិយាយអំពីយុត្តិធម៌៖ គោលបំណងធំធេងបំផុតនៃច្បាប់ គឺបង្កើតឡើងដើម្បីបំរើ និងការពារ (យុត្តិធម៌) ក្នុងសង្គម ពោលគឺធានាឱ្យមានភាពត្រឹមត្រូវ ស្មើភាព និងគ្មានការលម្អៀង។
៣.នៅចំពោះមុខយុត្តិធម៌គឺនិយាយអំពីសច្ចធម៌៖ យុត្តិធម៌ពិតប្រាកដមិនអាចកើតមានបានឡើយ បើគ្មាន (សច្ចធម៌) (ការពិតជាក់ស្តែង)។ ការកាត់ក្តីដែលយុត្តិធម៌បំផុត គឺត្រូវតែឈរលើការពិតដាច់ខាតនៃព្រឹត្តិការណ៍។
✍ ⚖️ សេចក្តីសន្និដ្ឋានរួម៖ គំនិតនេះចង់បង្ហាញថា ដើម្បីស្វែងរកការពិតដ៏ត្រឹមត្រូវមួយ (សច្ចធម៌) គេត្រូវបង្កើតឱ្យមានភាពស្មើភាពគ្នា (យុត្តិធម៌) ដោយផ្អែកលើការអនុវត្តច្បាប់ (ច្បាប់) តាមរយៈអ្នកកាត់ក្តីប្រកបដោយវិជ្ជាជីវៈ (ចៅក្រម )។ វាជាខ្សែកងចាក់ស្រេះគ្នាដែលខ្វះមិនបានក្នុងសង្គមប្រជាធិបតេយ្យ។
✍រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
