ព័ត៌មានសង្ខេបសន្តិភាពប៉ុស្តិ៍
សង្ខេបព័ត៌មាន៖ លោក Thaksin ត្រូវបានដោះលែងឱ្យនៅក្រៅឃុំ ក្រោមការតាមដានតាមឧបករណ៍អេឡិចត្រូនិកនៅថ្ងៃចន្ទ ទី១១ ខែឧសភា ឆ្នាំ២០២៦ អតីតនាយករដ្ឋមន្ត្រីថៃ លោក Thaksin Shinawatra ត្រូវបានដោះលែងចេញពីពន្ធនាគារ បន្ទាប់ពីបានជាប់ឃុំអស់រយៈពេល ៨ខែចុងក្រោយ។
ចំណុចសំខាន់ៗនៃសាច់រឿង៖
✍ មូលហេតុនៃការជាប់ឃុំសារជាថ្មី៖ កាលពីខែកញ្ញា ឆ្នាំ២០២៥ តុលាការបានរកឃើញថា ការដែលលោកស្នាក់នៅមន្ទីរពេទ្យរយៈពេល ៦ខែ ដើម្បីគេចវេសពីការជាប់ពន្ធនាគារនាពេលកន្លងមក គឺជាទង្វើខុសច្បាប់ ទើបតម្រូវឱ្យលោកត្រឡប់ទៅអនុវត្តទោសក្នុងពន្ធនាគារវិញ។
✍ ប្រវត្តិនៃការកាត់ទោស៖ លោក Thaksin បានត្រឡប់មកថៃវិញក្នុងឆ្នាំ២០២៣ ក្រោយនិរទេសខ្លួន ១៥ឆ្នាំ ដើម្បីប្រឈមមុខនឹងទោសពុករលួយ និងរំលោភអំណាច។ ទោស ៨ឆ្នាំរបស់លោក ត្រូវបានព្រះមហាក្សត្របន្ធូរបន្ថយមកត្រឹម ១ឆ្នាំ។
✍ លក្ខខណ្ឌនៃការដោះលែង៖ ទោះបីជាត្រូវបានដោះលែង ប៉ុន្តែអតីតនាយករដ្ឋមន្ត្រីវ័យ ៧៦ឆ្នាំរូបនេះ ត្រូវបានតុលាការតម្រូវឱ្យពាក់ឧបករណ៍អេឡិចត្រូនិក (EM) ដើម្បីតាមដានរាល់សកម្មភាពសម្រាប់រយៈពេល ៤ខែ បន្ថែមទៀត។
ការដោះលែងនេះបានបិទបញ្ចប់ទំព័រនៃការជាប់ឃុំក្នុងពន្ធនាគារដោយផ្ទាល់របស់លោក ប៉ុន្តែលោកនៅតែស្ថិតក្រោមការត្រួតពិនិត្យយ៉ាងតឹងរ៉ឹងពីសំណាក់អាជ្ញាធរតុលាការដដែល។
✍រៀបរៀងអត្ថបទដោយ
អគ្គនាយកសន្តិភាពប៉ុស្តិ៍។
