ព័ត៌មានសង្ខេបសន្តិភាពប៉ុស្តិ៍
ឯកឧត្តម យូ សិរីវុឌ្ឍ អញ្ជើញជាអធិបតីក្នុងពិធីប្រកាសបញ្ចូលសមាជិកថ្មីចំនួន ៧៩៨ នាក់ ចូលរួមជាមួយគណបក្សប្រជាជនកម្ពុជា ក្នុងស្រុករតនមណ្ឌល ខេត្តបាត់ដំបង។
ខេត្តបាត់ដំបង៖ នៅថ្ងៃទី០៩ ខែមិថុនា ឆ្នាំ២០២៦ ឯកឧត្តម យូ សិរីវុឌ្ឍ បានអញ្ជើញជាអធិបតីក្នុងពិធីប្រកាសបញ្ចូលសមាជិកថ្មីនៃគណបក្សប្រជាជនកម្ពុជា ក្នុងស្រុករតនមណ្ឌល ខេត្តបាត់ដំបង សរុបចំនួន ៧៩៨ នាក់ ដែលជាអតីតសមាជិកគណបក្សប្រឆាំង ដែលបានសម្រេចចិត្តមករួមរស់ជីវភាពនយោបាយជាមួយគណបក្សប្រជាជនកម្ពុជា។
ក្នុងឱកាសនោះ ឯកឧត្តមបានថ្លែងការកោតសរសើរ និងស្វាគមន៍យ៉ាងកក់ក្តៅចំពោះសមាជិកថ្មីទាំងអស់ ដែលបានសម្រេចចិត្តដ៏ត្រឹមត្រូវក្នុងការចូលរួមចំណែកកសាងជាតិ និងអភិវឌ្ឍសេដ្ឋកិច្ចជាតិ ក្រោមម្លប់សន្តិភាព និងការដឹកនាំដ៏ឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និង សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា។
ទន្ទឹមនឹងនេះ ឯកឧត្តម យូ សិរីវុឌ្ឍ ក៏បានថ្លែងអំណរគុណដល់ថ្នាក់ដឹកនាំ និងក្រុមការងារចលនាកសាងសមាជិកខេត្តបាត់ដំបង ដែលបានខិតខំប្រឹងប្រែងយ៉ាងសកម្មក្នុងការចុះមូលដ្ឋាន បម្រើផលប្រយោជន៍ប្រជាពលរដ្ឋ និងពង្រីកសមាជិកគណបក្សឱ្យកាន់តែរឹងមាំបន្ថែមទៀត។
រៀបរៀងអត្ថបទផ្សព្វផ្សាយដោយ
ឯកឧត្តមបណ្ឌិត មាស ច័ន្ទរិទ្ធ
ទីប្រឹក្សាសម្តេចតេជោ ហ៊ុន សែន ។
