ព័ត៌មានសង្ខេបសន្តិភាពប៉ុស្តិ៍
សម្តេចតេជោ ហ៊ុន សែន៖ ការនាំចូលរថក្រោះពីចិន គឺជាការបង្កើនសមត្ថភាពការពារជាតិ មិនមែនសម្រាប់ការឈ្លានពានប្រទេសណាមួយឡើយ។
ភ្នំពេញ៖ សម្តេចតេជោ ហ៊ុន សែន បានចេញមុខបកស្រាយជុំវិញការមន្ទិលសង្ស័យមួយចំនួនជុំវិញការនាំចូលរថក្រោះពីសាធារណរដ្ឋប្រជាមានិតចិន ដោយសម្តេចបានបញ្ជាក់យ៉ាងច្បាស់ថា នេះគឺជាការសម្រេចចិត្តដើម្បីពង្រឹងសមត្ថភាពការពារបូរណភាពទឹកដី និងលើកកម្ពស់កងកម្លាំងប្រដាប់អាវុធតែប៉ុណ្ណោះ។
ក្នុងឱកាសនោះ សម្តេចតេជោបានគូសបញ្ជាក់យ៉ាងម៉ឺងម៉ាត់ថា កម្ពុជាប្រកាន់ខ្ជាប់នូវគោលនយោបាយការបរទេសដែលស្រឡាញ់សន្តិភាព និងមិនដែលបង្កការឈ្លានពានទៅលើប្រទេសណាមួយឡើយ។ ការពង្រឹងវិស័យការពារជាតិគឺជាកាតព្វកិច្ចចាំបាច់របស់រដ្ឋអធិបតេយ្យ ដើម្បីត្រៀមលក្ខណៈការពារខ្លួន និងធានាសន្តិសុខជាតិ ស្របតាមរដ្ឋធម្មនុញ្ញ។
សម្តេចតេជោបានបន្ថែមថា ការសហប្រតិបត្តិការជាមួយមិត្តចិនក្នុងវិស័យយោធា គឺធ្វើឡើងដោយឈរលើមូលដ្ឋាននៃការជឿទុកចិត្ត និងមិត្តភាពជាប្រវត្តិសាស្ត្រ ដែលមិនប៉ះពាល់ដល់ផលប្រយោជន៍ ឬបង្កការគំរាមកំហែងដល់ប្រទេសជិតខាងណាមួយនោះទេ។
រៀបរៀងអត្ថបទផ្សព្វផ្សាយដោយ
ឯកឧត្តមបណ្ឌិត មាស ច័ន្ទរិទ្ធ
ទីប្រឹក្សាសម្ដេចតេជោ ហ៊ុន សែន ។
