ព័ត៌មានសង្ខេបសន្តិភាពប៉ុស្តិ៍៖
សម្តេចតេជោ ហ៊ុន សែន ឆ្លើយតបក្រុមប្រឆាំងជុំវិញការលើកឡើងពីការពង្រឹងវិស័យយោធាភ្នំពេញ៖ សម្តេច អគ្គមហាសេនាបតីតេជោ ហ៊ុន សែន បានចេញសារព្រមានយ៉ាងម៉ឺងម៉ាត់ទៅកាន់ក្រុមប្រឆាំងមួយចំនួននៅក្រៅប្រទេស ដែលបានរិះគន់ និងវាយប្រហារចំពោះការលើកឡើងរបស់សម្តេច ពាក់ព័ន្ធនឹងការមិនផ្តោតលើការពង្រឹងកងទ័ព។
សម្តេចតេជោបានសង្កត់ធ្ងន់ដោយដាស់តឿនដល់ក្រុមអ្នករិះគន់ទាំងនោះឱ្យស្វែងយល់ឱ្យបានស៊ីជម្រៅអំពីជំហរនយោបាយ និងយុទ្ធសាស្ត្រដឹកនាំរបស់សម្តេច ដោយសម្តេចបានបញ្ជាក់យ៉ាងច្បាស់ថា៖ «បើស្គាល់ ហ៊ុន សែន មិនច្បាស់ទេ ត្រូវរៀនទៀត»។
ការលើកឡើងនេះ គឺជាសារឆ្លើយតបទៅនឹងការបកស្រាយបែបមួលបង្កាច់របស់ក្រុមប្រឆាំង ដែលព្យាយាមបំភ្លៃគោលនយោបាយការពារជាតិ និងសន្តិភាពរបស់កម្ពុជា ដើម្បីបម្រើឱ្យរបៀបវារៈនយោបាយផ្ទាល់ខ្លួន។
រៀបរៀងអត្ថបទផ្សព្វផ្សាយដោយ
ឯកឧត្តមបណ្ឌិត មាស ច័ន្ទរិទ្ធ
ទីប្រឹក្សាសម្ដេចតេជោ ហ៊ុន សែន ។
