ព័ត៌មានសង្ខេបសន្តិភាពប៉ុស្តិ៍
ប្រជាពលរដ្ឋក្នុងស្រុកប្រាសាទសំបូរ សម្ដែងការសប្បាយរីករាយចំពោះសមិទ្ធផលថ្មីក្នុងមូលដ្ឋានខេត្តកំពង់ធំ៖ ប្រជាពលរដ្ឋនៅភូមិតាប៉ោង ឃុំតាំងក្រសៅ និងភូមិជុំវិញក្នុងស្រុកប្រាសាទសំបូរ បានបង្ហាញនូវក្ដីត្រេកអរ និងថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំគ្រប់លំដាប់ថ្នាក់នៃស្រុកប្រាសាទសំបូរ ដែលតែងតែយកចិត្តទុកដាក់គិតគូរពីសុខទុក្ខ និងការលំបាករបស់ប្រជាជន។
ការថ្លែងអំណរគុណនេះធ្វើឡើងក្នុងឱកាសនៃការទទួលបានសមិទ្ធផលរូបវន្តថ្មីដ៏មានតម្លៃមួយ ដែលត្រូវបានដាក់ឱ្យប្រើប្រាស់ជាផ្លូវការ ដើម្បីបម្រើដល់សេចក្តីត្រូវការ និងលើកកម្ពស់ជីវភាពរស់នៅរបស់ប្រជាពលរដ្ឋក្នុងមូលដ្ឋាន។ សមិទ្ធផលនេះ បានឆ្លុះបញ្ចាំងពីកិច្ចខិតខំប្រឹងប្រែងរបស់អាជ្ញាធរស្រុក ក្នុងការដោះស្រាយបញ្ហា និងអភិវឌ្ឍន៍ហេដ្ឋារចនាសម្ព័ន្ធជូនប្រជាពលរដ្ឋឱ្យកាន់តែប្រសើរឡើង។
រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
