✍«មាត់និយាយជាមិត្ត
តែចិត្តគំនិតវិញជាសត្រូវ ត្រូវស្វែងយល់ឲ្យច្បាស់»ការរស់នៅក្នុងសង្គមបច្ចុប្បន្ន មនុស្សម្នាក់ៗ
មានអាកប្បកិរិយា និងទំនាក់ទំនងខុសគ្នា។
✍ជាពិសេស នៅពេលដែលតួនាទីសង្គម ការងារ និងផលប្រយោជន៍ចំណូលចិត្តចាប់ផ្តើមខុសគ្នា ការយល់ចិត្តគ្នាអាចកើតមានភាពលំបាក។ ពាក្យសម្រង់ «មាត់និយាយជាមិត្ត តែចិត្តគំនិតវិញជាសត្រូវ ត្រូវស្វែងយល់ឲ្យច្បាស់» ដ៏សំខាន់ជូនដល់សង្គមឲ្យមានភាពប្រយ័ត្ន និងសុខុមាលភាពក្នុងទំនាក់ទំនងមនុស្ស។
ពាក្យសម្រង់នេះផ្តល់និយមន័យថា មិនមែនមនុស្សគ្រប់គ្នាដែលនិយាយល្អ ឬប្រើពាក្យផ្អែមល្ហែម គឺមានចេតនាល្អជានិតិ៍ទេ។ មានពេលខ្លះ ពាក្យសាមញ្ញអាចលាក់ទុកពីក្រោយនូវគោលបំណង និងផលប្រយោជន៍ផ្ទាល់ខ្លួន។ ដូច្នេះ ការរស់នៅ និងធ្វើការងារជាមួយអ្នកដទៃ ត្រូវតែមានការវាយតម្លៃ ប្រុងប្រយ័ត្ន និងមើលឃើញពីសកម្មភាពជាក់ស្តែង មិនត្រឹមតែពាក្យដែលនិយាយប៉ុណ្ណោះ។
✍ក្នុងការអភិវឌ្ឍសង្គម ការកសាងទំនុកចិត្ត និងទំនាក់ទំនងល្អ គឺត្រូវចាប់ផ្ដើមពីការយល់ចិត្តគ្នា និងស្មោះត្រង់។ ទោះបីជាមនុស្សជាច្រើនប្រើពាក្យល្អ ដើម្បីបង្កើតភាពជឿទុកចិត្តក្លែងក្លាយ ក៏ដោយ យើងសមាជិកសង្គមគួរតែចេះជ្រាបដឹង ចេះគិតពិចារណា និងស្វែងយល់ឲ្យបានច្បាស់ មុនពេលទុកចិត្តឬធ្វើសកម្មភាពសំខាន់ណាមួយ។
អត្ថន័យសរុប សារនេះគ្រាន់តែជាការរំលឹក និងជំរុញឲ្យកាន់តែប្រុងប្រយ័ត្នក្នុងជីវិត និងការងារ ដើម្បីជៀសវាងការខូចខាត ទាំងផ្លូវចិត្ត សេដ្ឋកិច្ច និងទំនាក់ទំនងសង្គម។
✍រៀបរៀងដោយ បណ្ឌិត មាស ច័ន្ទរិទ្ធ
នាយកប្រតិបត្តិ សន្តិភាព ប៉ុស្តិ៍
