ឧត្ដរមានជ័យ៖ ស្ពានអូរជីក ត្រូវបានវាយប្រហារដោយយន្តហោះចម្បាំង បណ្ដាលឱ្យផ្អាកចរាចរណ៍ទាំងស្រុង
នៅយប់ថ្ងៃទី១៩ ខែធ្នូ ឆ្នាំ២០២៥ វេលាម៉ោង១០:៥៨ នាទី មានយន្តហោះចម្បាំង F-16 ចំនួន ២ គ្រឿង របស់កម្លាំងទាហានឈ្លានពានសៀម បានបើកការវាយប្រហារយ៉ាងគំហុក ដោយទម្លាក់គ្រាប់បែកចំនួន ៣ គ្រាប់ ចំគោលដៅស្ពានអូរជីក ស្ថិតក្នុងស្រុកចុងកាល់ ខេត្តឧត្ដរមានជ័យ។
ការវាយប្រហារលើហេដ្ឋារចនាសម្ព័ន្ធស៊ីវិលនេះ បានបណ្ដាលឱ្យស្ពានអូរជីក ដែលជាសរសៃឈាមសេដ្ឋកិច្ចដ៏សំខាន់ សម្រាប់ការតភ្ជាប់ចរាចរណ៍ និងដឹកជញ្ជូនរវាងខេត្តសៀមរាប និងខេត្តឧត្ដរមានជ័យ ត្រូវកាត់ផ្តាច់ទាំងស្រុង មិនអាចឱ្យយានយន្តធ្វើដំណើរឆ្លងកាត់បានទៀតឡើយ។
អាជ្ញាធរមូលដ្ឋាន និងស្ថាប័នពាក់ព័ន្ធ កំពុងតែតាមដានស្ថានការណ៍យ៉ាងជិតស្និទ្ធ និងចាត់វិធានការបន្ទាន់ ដើម្បីធានាសុវត្ថិភាពប្រជាពលរដ្ឋ ព្រមទាំងរៀបចំផែនការជំនួសការធ្វើដំណើរ និងការដឹកជញ្ជូនជាបណ្ដោះអាសន្ន។
រៀបរៀងដោយ បណ្ឌិត មាស ច័ន្ទរិទ្ធ
នាយកប្រតិបត្តិ សន្តិភាព ប៉ុស្តិ៍
