✍ស្រុកវាលវែង នៅថ្ងៃទី២៧ ខែធ្នូ ឆ្នាំ២០២៥
លោក ធាង ឡេង អភិបាល នៃគណៈអភិបាលស្រុក វាលវែងបានអញ្ជើញទទួលស្វាគមន៍យ៉ាងកក់ក្តៅនូវការនិមន្តរបស់ ព្រះគ្រូឥន្ទបាលោ ឥន្ទ សាមុត ចៅអធិការវត្តឈូកមាស (ហៅស៊ីកា) និង ព្រះគ្រូ អ៊ុង យុន ព្រះចៅអធិការវត្តបឹងរ៉ៃ ព្រមទាំងសប្បុរសជនជាច្រើនរូប ដែលបាននាំយកគ្រឿងឧបភោគបរិភោគ និងសម្ភារៈចាំបាច់ជាច្រើនមុខ មកឧបត្ថម្ភជូនដល់រដ្ឋបាលស្រុកវាលវែង។✍ការឧបត្ថម្ភដ៏មានអត្ថន័យនេះ គឺសម្រាប់បែងចែកគាំទ្រ និងលើកទឹកចិត្តដល់កម្លាំងកងទ័ពជួរមុខ ដែលកំពុងបំពេញភារកិច្ចការពារទឹកដីជាតិ ព្រមទាំងជួយសម្រួលជីវភាពដល់ប្រជាពលរដ្ឋភៀសសឹក ដែលកំពុងប្រឈមការលំបាកក្នុងស្ថានភាពបច្ចុប្បន្ន។
ក្នុងឱកាសនោះ លោកអភិបាលស្រុក បានសម្តែងនូវការគោរពអំណរគុណយ៉ាងជ្រាលជ្រៅ ចំពោះព្រះគ្រូចៅអធិការវត្តទាំងពីរព្រះអង្គ និងសប្បុរសជនទាំងអស់ ដែលបានបង្ហាញនូវស្មារតីសប្បុរសធម៌ ការរួមចំណែក និងសាមគ្គីភាពជាមួយរាជរដ្ឋាភិបាល និងអាជ្ញាធរមូលដ្ឋាន ក្នុងការជួយគាំទ្រដល់កងទ័ព និងប្រជាពលរដ្ឋរងផលប៉ះពាល់។
✍ជាមួយគ្នានេះ រដ្ឋបាលស្រុក សូមគោរពប្រគេនព្រះពរ និងជូនពរសព្វសាធារណៈ ជូនដល់ព្រះតេជគណគ្រប់ព្រះអង្គ និងសប្បុរសជនទាំងអស់ សូមមានព្រះសុខភាពល្អ កម្លាំងកាយមាំមួន ប្រាជ្ញាឈ្លាសវៃ និងទទួលបានជោគជ័យគ្រប់ភារកិច្ច ក្នុងបុណ្យកុសល និងការងារសប្បុរសធម៌ជានិច្ច។
🙏រៀបរៀងដោយ បណ្ឌិត មាស ច័ន្ទរិទ្ធ
នាយកប្រតិបត្តិ (សន្តិភាព ប៉ុស្តិ៍)
