សម្តេចវិបុលសេនាភក្តី សាយ ឈុំ អញ្ជើញក្នុងពិធីបុណ្យបង្សុកូល ឧទ្ទិសមហាកុសលជូនបុព្វការីជន ក្នុងស្រុកកោះសូទិន។
សម្តេចវិបុលសេនាភក្តី សាយ ឈុំ និងលោកជំទាវ ព្រមទាំងក្រុមគ្រួសារ បានអញ្ជើញជាអធិបតីក្នុងពិធីបុណ្យបង្សុកូល និងរាប់បាតប្រគេនព្រះសង្ឃ ដែលបានប្រារព្ធធ្វើឡើងនៅក្នុងស្រុកកោះសូទិន ខេត្តកំពង់ចាម។
ពិធីនេះត្រូវបានរៀបចំឡើងតាមបែបបទសាសនា ដើម្បីឧទ្ទិសមហាកុសលជូនដល់វិញ្ញាណក្ខន្ធបុព្វការីជន មានមាតាបិតា ជីដូនជីតា និងញាតិការទាំងប្រាំពីរជំនាន់ ដែលបានចែកឋានទៅកាន់លោកខាងមុខ។ ក្នុងឱកាសដ៏ថ្លៃថ្លានេះ សម្តេច និងក្រុមគ្រួសារ ក៏បានសម្តែងនូវសទ្ធាជ្រះថ្លា ប្រគេនទ័យទាន និងបច្ច័យដល់ព្រះសង្ឃ ដើម្បីទ្រទ្រង់វិស័យព្រះពុទ្ធសាសនា និងចែកទានដល់បងប្អូនប្រជាពលរដ្ឋក្នុងស្មារតីសាមគ្គីភាព និងការដឹងគុណ។
ពិធីបុណ្យបានប្រព្រឹត្តទៅក្នុងបរិយាកាសដ៏អធិកអធម និងពោរពេញដោយសេចក្តីជ្រះថ្លាជាទីបំផុត៕
រៀបរៀងដោយ
ឯកឧត្តម បណ្ឌិត មាស ច័ន្ទរិទ្ធ
ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានសមាគមសប្បុរសធម៌។
