សម្ដេចវិបុលសេនាភក្ដី សាយ ឈុំ អញ្ជើញដឹកនាំកិច្ចប្រជុំបូកសរុបការងារគណបក្សរាជធានីភ្នំពេញ និងលើកទិសដៅបន្ត។
ភ្នំពេញ៖ នារសៀលថ្ងៃសុក្រ ១រោច ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី០៣ ខែមេសា ឆ្នាំ២០២៦ សម្ដេចវិបុលសេនាភក្ដី សាយ ឈុំ អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានរាជធានីភ្នំពេញ បានអញ្ជើញជាអធិបតីភាពដ៏ខ្ពង់ខ្ពស់ ក្នុងកិច្ចប្រជុំបូកសរុបលទ្ធផលការងារប្រចាំខែកុម្ភៈ-មីនា និងដាក់ចេញទិសដៅភារកិច្ចខែមេសា ឆ្នាំ២០២៦។
ខ្លឹមសារសំខាន់ៗនៃកិច្ចប្រជុំ៖
ការពិនិត្យលទ្ធផលការងារ៖ កិច្ចប្រជុំបានធ្វើការវាយតម្លៃខ្ពស់ចំពោះសមិទ្ធផលដែលក្រុមការងារគណបក្សចុះមូលដ្ឋាន និងគណៈកម្មាធិការគណបក្សរាជធានីភ្នំពេញសម្រេចបានក្នុងរយៈពេល ២ខែកន្លងមក (កុម្ភៈ-មីនា) ក្នុងការបម្រើសេវាសាធារណៈ និងការផ្សារភ្ជាប់ទំនាក់ទំនងជាមួយប្រជាជននៅតាមមូលដ្ឋាន។
ការដាក់ចេញទិសដៅខែមេសា៖ សម្ដេចប្រធានក្រុមការងារ បានផ្តល់អនុសាសន៍ណែនាំ និងដាក់ចេញនូវផែនការសកម្មភាពសម្រាប់ខែមេសា ដោយផ្ដោតលើការបន្តពង្រឹងសាមគ្គីភាពផ្ទៃក្នុង ការថែរក្សាសន្តិសុខសណ្តាប់ធ្នាប់សង្គម និងការត្រៀមលក្ខណៈអបអរសាទរបុណ្យចូលឆ្នាំថ្មីប្រពៃណីជាតិ។
គោលបំណង៖ ដើម្បីបន្តជំរុញប្រសិទ្ធភាពការងារបក្សឱ្យកាន់តែរឹងមាំ និងឆ្លើយតបបានទាន់ពេលវេលានូវសំណូមពរ ក៏ដូចជាបញ្ហាប្រឈមនានារបស់បងប្អូនប្រជាពលរដ្ឋក្នុងរាជធានីភ្នំពេញ។
កិច្ចប្រជុំនេះ ក៏មានការអញ្ជើញចូលរួមពីសំណាក់ថ្នាក់ដឹកនាំក្រុមការងារ សមាជិក សមាជិកា នៃគណៈកម្មាធិការគណបក្សរាជធានីភ្នំពេញ និងមន្ត្រីពាក់ព័ន្ធជាច្រើនរូបទៀតផងដែរ៕
រៀបរៀងដោយ
ឯកឧត្តម បណ្ឌិត មាស ច័ន្ទរិទ្ធ
ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានសមាគមសប្បុរសធម៌។
