ព័ត៌មានសង្ខេបសន្តិភាពប៉ុស្តិ៍
ឯកឧត្តម ខូយ រីដា អមដំណើរឯកឧត្តម យូ ស៊ុនឡុង ចុះពិនិត្យទីតាំង និងប្រជុំត្រៀមបដិសណ្ឋារកិច្ច សម្តេចតេជោ ហ៊ុន សែន ប្រមុខរដ្ឋស្តីទី នៅខេត្តពោធិ៍សាត់។
រសៀលថ្ងៃទី១៩ ខែឧសភា ឆ្នាំ២០២៦ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអមដំណើរ ឯកឧត្តម នាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ចុះពិនិត្យទីតាំងផ្ទាល់ និងអញ្ជើញចូលរួមក្នុងកិច្ចប្រជុំត្រៀមរៀបចំបដិសណ្ឋារកិច្ច ទទួលស្វាគមន៍ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា។
កិច្ចប្រជុំនិងការចុះពិនិត្យនេះ ធ្វើឡើងដើម្បីធានាឱ្យបាននូវសណ្តាប់ធ្នាប់ និងភាពរលូន ក្នុងឱកាសដែល សម្តេចតេជោ គ្រោងនឹងអញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ ព្រមទាំងថ្នាក់ដឹកនាំមន្ទីរ និងអង្គភាពនានាជុំវិញខេត្តពោធិ៍សាត់ នាពេលខាងមុខដ៏ខ្លីនេះ៕
✍រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ។
