ព័ត៌មានសង្ខេបសន្តិភាពប៉ុស្តិ៍
រាជរដ្ឋាភិបាលជំរុញការផលិតក្នុងស្រុកលើមុខទំនិញយុទ្ធសាស្ត្រ៣ ដើម្បីកាត់បន្ថយការនាំចូល (ទឹកដោះគោ មី និងស្ករស)។
រាជធានីភ្នំពេញ
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
បានប្រកាសពីទិសដៅគោលនយោបាយច្បាស់លាស់ក្នុងការកាត់បន្ថយការនាំចូលមុខទំនិញចាំបាច់រួមមាន
(ទឹកដោះគោ មី និងស្ករស)។
ដើម្បីសម្រេចបាននូវគោលដៅនេះ រាជរដ្ឋាភិបាលនឹង៖
✍ ជំរុញការផលិតក្នុងស្រុក៖ បង្វែរទិសដៅពីការរំពឹងផ្អែកលើការនាំចូល មកជាការបង្កើត និងពង្រីកខ្សែច្រវាក់ផលិតកម្មក្នុងស្រុកឱ្យមានថាមពល។
✍ ផ្តល់ការលើកទឹកចិត្ត៖ រៀបចំឱ្យមានកញ្ចប់លើកទឹកចិត្តជាច្រើនដល់បណ្តាវិនិយោគិន និងសហគ្រាសផលិត ដើម្បីបង្កើនលទ្ធភាពប្រកួតប្រជែង និងធានានិរន្តរភាពនៃការផ្គត់ផ្គង់ទីផ្សារផ្ទៃក្នុង។
វិធានការយុទ្ធសាស្ត្រនេះ ធ្វើឡើងក្នុងគោលបំណងពង្រឹងឯករាជ្យភាពសេដ្ឋកិច្ចជាតិ លើកកម្ពស់សហគ្រាសក្នុងស្រុក និងបង្កើតឱកាសការងារបន្ថែមជូនប្រជាពលរដ្ឋកម្ពុជា។
✍រៀបរៀងអត្ថបទដោយ
ប្រធានសមាគមសប្បុរសធម៌
បណ្ឌិត មាស ច័ន្ទរិទ្ធ និងជាទីប្រឹក្សាសម្តេចអគ្គមហាសេនាបតីតេជោ ហ៊ុន សែន។
