✍ក្រមសីលធម៌វិជ្ជាជីវៈ៖
ជាកញ្ចក់ឆ្លុះបញ្ចាំងគុណតម្លៃនៃអ្នកសារព័ត៌មានសន្តិភាពប៉ុស្តិ៍ទាំងអស់មិនស្ថិតនៅលើ (កាតសន្តិភាពប៉ុស្តិ៍ ឬកាតខ្ពស់ជាងសន្តិភាពប៉ុស្តិ៍នោះទេ)។
✍នៅក្នុងបរិបទនៃការអភិវឌ្ឍសង្គមបច្ចុប្បន្ន តួនាទីរបស់អ្នកសារព័ត៌មានវាស្ថិតនៅលើ គុណធម៌ និងក្រមសីលធម៌វិជ្ជាជីវៈ ដែលម្នាក់ៗបានអនុវត្តជាក់ស្តែង។
សម្រាប់ក្រុមការងារនៃអង្គភាព សន្តិភាពប៉ុស្តិ៍ មានចំណុចស្នូលនៃការបំពេញការងារត្រូវផ្អែកលើគោលការណ៍សំខាន់ៗចំនួន ៣៖
១.ភាពស្មោះត្រង់ និងការទទួលខុសត្រូវ៖ ការផ្សាយព័ត៌មានត្រូវផ្អែកលើការពិត គ្មានភាពលម្អៀង និងមានប្រភពច្បាស់លាស់។ តម្លៃរបស់អ្នកសារព័ត៌មានស្ថិតនៅលើការជឿទុកចិត្តពីមហាជន។
២.ការរិះគន់ដើម្បីស្ថាបនា៖ ការលើកយកបញ្ហាប្រឈមក្នុងសង្គមមកបង្ហាញ មិនមែនដើម្បីវាយប្រហារផ្ទាល់ខ្លួន ឬបង្កភាពចលាចលនោះទេ ប៉ុន្តែគឺដើម្បី «ស្ថាបនា» ជូនដំណឹងដល់អាជ្ញាធរ និងរួមចំណែកស្វែងរកដំណោះស្រាយ ដើម្បីភាពរីកចម្រើននៃជាតិមាតុភូមិ។
៣.សាមគ្គីភាពក្នុងវិជ្ជាជីវៈ៖ ការគោរពគ្នាទៅវិញទៅមក ការចែករំលែកបទពិសោធន៍ និងការរួមដៃគ្នាពង្រឹងសមត្ថភាព ជាកត្តាដែលធ្វើឱ្យវិស័យព័ត៌មាន សន្តិភាពប៉ុស្តិ៍ឲ្យកាន់តែមានកិត្យានុភាព។
✍សេចក្តីសន្និដ្ឋាន៖
អ្នកសារព័ត៌មានដែលមានគុណធម៌ គឺជាអ្នកដែលហ៊ាននិយាយការពិតដោយសីលធម៌ និងប្រើប្រាស់ប៊ិច ឬកាមេរ៉ា ដើម្បីបម្រើផលប្រយោជន៍សាធារណៈ។ ការគោរពក្រមសីលធម៌ មិនត្រឹមតែជាកាតព្វកិច្ចប៉ុណ្ណោះទេ ប៉ុន្តែគឺជាមោទនភាពដ៏ខ្ពង់ខ្ពស់បំផុតរបស់អ្នកសារព័ត៌មានសន្តិភាពប៉ុស្តិ៍គ្រប់រូប ដែលបានចូលរួមចំណែករក្សាសន្តិភាព និងសណ្តាប់ធ្នាប់សង្គម។
✍រៀបរៀងអត្ថបទផ្សព្វផ្សាយដោយ ប្រធានសមាគមសប្បុរសធម៌ បណ្ឌិត មាស ច័ន្ទរិទ្ធ។
